王朝潮順館

朋友推介咗呢間潮州餐廳，諗住試吓潮州地道滋味！餐廳主打凍烏頭、鵝片、蠔仔粥同埋出名嘅鵝肝，仲有隔離枱嘅鱔煲好似好吸引，餐牌選擇多樣，價錢中規中矩。食材新鮮度真係有驚喜，特別係凍烏頭同蠔仔粥，鮮甜滑口；鵝片同鵝肝味道濃郁，鱔煲軟腍入味，正常水準但唔算突出。🍴🥢環境方面就稍為失望，地方有啲逼窄，枱同枱之間好近，氣氛有啲混亂。服務態度更係痛點，阿姐為咗翻枱有時會用手段趕客，感覺唔太舒服；埋單時仲話卡機壞咗，迫用八達通或現金，朋友話呢招用咗幾個月，體驗大打折扣。💸😣總括嚟講，王朝潮順館食材新鮮係優點，但環境同服務一般，建議有心理準備先去，食潮州菜仲有其他更好選擇！⭐️⭐️⭐️🌑…查看更多

八號風球的朋友生日飯聚朋友生日，當然係佢揀地方，呢度都算方便，巴士、地鐵都到，方便大家。 今日得五個人，但都叫咗 10 樣餸，十全十美，所以好飽 😂😂😂食物味道唔太差嘅，地方都闊，唔太迫。 鵝肝醉乳鴿鵝肝好食 醉乳鴿都唔錯 蔴香雞呢個麻麻，係有蔴油香，不過啲肉比較韌 椒鹽鮮魷呢個唔錯 👍🏻，幾好食，而且大碟 豉汁盤龍鱔 (半份)呢個 ok la普寧豆腐呢個我鍾意，好食 啫啫通菜煲正常發揮，唔錯 👍🏻👍🏻黃金魚皮唔太差，不過有啲比較靭唔夠脆 梅子蒸膏蟹呢個好食，原來梅子同蟹都好夾，而且隻蟹真係好多膏 脆米泡飯呢個幾好喎，清清地 👍🏻👍🏻👍🏻👍🏻👍🏻冇加一、冇茶芥，不過，記住*只收現金或八達通*…查看更多

上次幫襯已是2021年10月，當時潮順館是新開張，事隔4年，今次預祝朋友生日，再次到訪。6位準時6點入席，店舖要求8點交枱，時間有點不足Hea坐吹水，座位稍逼，食店氛圍不宜切生日蛋糕歡聚，屬街坊熟客飯局。標榜潮州鵝店，當然要試下幾款鵝餸啦！1. 鵝片水準正常，價錢合理。2. (酒香)鵝肝，酒香不夠，鵝肝都未有“粉嫰”，半份價錢略貴了。3. 鼓椒鵝腸，爽口，吾咸，OK嘅！4. 蚝仔粥，蚝鮮量多，抵食。5. 生啫白鱔煲，朋友推介的，熱辣辣惹味的，蒜子夠多，但鱔片不夠厚身彈牙。6. 金沙魚皮，當小吃，若魚皮再厚身少少就完美。7. 沙薑雞漏單 ，上枱變成“鹽水白切雞”，肉質都嫩滑嘅。8. 馬拉盞炒通菜，炒得幾香，值得一讚。整體上，潮州菜水準一般吧！反而小菜做得不錯，價錢實惠。由於冇茶芥加一，人均消費200蚊，價錢參附圖。如果不限8點離場(目測都翻不到枱)，估計食客會多叫餸和啤酒，氣氛更能凝聚街坊生意。…查看更多

過年聚餐，朋友約到大角咀王朝潮順館吃飯團拜🧧餐廳以潮州菜和順德菜聞名。之前在淘大分店吃過不錯，所以感覺不會伏😬 平時很少都大角咀這邊吃飯，但原來周邊餐館、小店甚多，而且不少人氣店還有很多人在排隊。小炒夠火喉，每碟份量足夠，全部餸菜都好好味👍😋今晚食咗：1️⃣ 千層豬脆耳😋 非常爽脆，夠入味2️⃣ 泡椒豬手😋 醃製得很出色，微辣，豬手爽3️⃣ 鵝肝😋 滑滑好入味4️⃣ 老醋六樣😋 六樣小點都好出色，力推5️⃣ 芥末沙拉明蝦球😋 薄薄脆醬、蝦好大隻6️⃣ 特色鹽香沙薑雞 😋 ok可以7️⃣ 王朝小炒皇：鮮嫩蘆筍，脆胞芋條，好吃8️⃣ 滷水拼盤😋 非常入味，好吃9️⃣ 香煎帶魚😋 ok 可以🔟 功夫炸鮮牛奶😋 外脆內軟滑滑桂…查看更多

中午時分嚟呢度食嘢會見到好多勞工界嘅朋友，因為呢度嘅食物係比到最基本嘅水準，同埋價錢亦都合理。我上次嚟食叫咗個雞飯，啲雞都算滑，碟頭亦都夠大，食飽絕對沒有問題。職員的服務態度只算係一般，得閒都會應吓你，唔得閒你就等吓先。餐廳嘅空間唔算細，唔會令你覺得好迫，環境係比較昏暗，以基本食堂嘅格局計，咁都算算係合格，佢嘅食物選擇非常多，叫做適合大部份人都啱食，由於食物質素只係一般，所以只要你期望唔係太高，當係飯堂，食飽個肚係完全冇問題。…查看更多

潮州菜在不得不推介潮順館，位於大角咀美食街，很多捧場客，鹅肝，鵝片，咸味鷄，鯰魚煲，薑葱爆魚卜，鷄油豆苗，咕嚕肉，豬手，真係樣樣都正，令人回味，店很乾淨寬敞，不過留意只收現金同八達通，第一次食鯰魚肉質好滑，必試。😋…查看更多

嘢食係唔錯嘅， 價錢都好合理。 四個人食咗七百幾蚊， 冇加一冇開瓶費。 令人回味就係個鵝肝， 真係好滑。 仲有個蠔餅， 炸得好脆。蠔仔粥都好香。 其他嘢食都好味， 叫咗鹵水拼盤 仲有醉乳鴿 ， 擺盤靚， 味道中上。 但係服務真係好一般。 淨係招呼熟客。 本來想再加單但係兩個小時用餐時間。 服務唔細心，攞咗支紅酒嚟，問咗好耐先 攞個開瓶器同酒杯。…查看更多

讚-馬友出色 油份足 鹹味細膩 對得住價錢 醉乳鴿都入味 肉質好 彈-滷水入味但係實在有啲單一地鹹 豬油渣菜心有啲腍身 扇貝炸得太油 伴底既飯明明寫係脆米 但又似普通炒飯-服務實在老牌到呢 一坐低就咪要唔要蟶子豆苗 話已叫左扇貝 都叫做係海鮮貴餸 盡左星期六日既客人本份丫 又再問多次要唔要豆苗 堅持唔要 叫左豬油渣菜心 結果上檯都係豬油渣豆苗 同侍應話拎錯餸 侍應都唔死心 再大聲問係咪唔食豆苗 講到好似佢請咁 大佬價錢差兩三倍都算 真係食豆苗都唔會豬油渣炒啦 唔會再去…查看更多

今次呢間潮順館，我食過兩次，今日同老公撐枱腳，我食潮州嘢必定會食兩樣嘢第一樣滷水鵝片，我一直都唔識食骨，所以我唔會揀鵝件，只會揀鵝片，而佢哋係選擇用豆腐底，超開心，因為佢啲豆腐滑到不得了，仲要好香豆味，有啲出面潮州菜係用芽菜，我就麻麻哋嘅，用豆腐即刻開心晒第二樣就係蠔仔粥，不過真係食唔到太多嘢原因係佢個蠔仔粥都幾大碗，一個酒樓粟米魚肚羹嘅湯碗size，蠔仔都大隻新鮮，第二日唔會食完肚痛，同埋佢有嗰啲魚乾、芫荽蔥、好香好香佢呢度個蠔仔粥特色係米水超多，米反而少睇你哋口感，我自己就好鍾意，因為每一次食蠔仔粥嗰啲粥水都俾人潷晒返啲米…查看更多

打冷必食鹵味-鵝件、鵝片、鵝腸、豆腐，自由配搭雙拼或三拼又得。另外王潮特色酒香鵝肝色澤粉嫩，入口即溶，係必叫菜式之一✨潮式凍馬友充滿魚油，肉質嫩滑🐟冰鎮咕嚕肉配搭波子提同車厘子，口感清新，咕嚕肉擺左一陣都keep到脆皮，正！打冷菜式質素唔錯，餐廳經常滿座，有啲菜式需提早預訂(如奄仔蟹、凍馬友、燉湯等)。📍王朝潮順館 #大角咀潮州菜大角咀大全街42-44號地舖💰 奄仔蟹 $368 一隻 (時價)王潮酒香鵝肝 $228潮式凍馬友 $368蠔餅 $128…查看更多

D嘢係幾好食㗎，所以每當朋友問起，我都會推介呢間舖的。可惜今日去到，佢哋話冇位，帶我地去隔離間燒烤鋪（千味燒)坐，不過嗰度好大陣噏味，雖然坐咗10分鐘到，就開始聞唔到。但當我食食吓件鵝時，有個女侍應突然走入嚟好大聲咁叫我地轉枱，但之前係佢指明要我地坐呢張枱的，原來因為隔離枱客食完走咗，佢要安排並排7個位的枱俾另一班客，但由於佢禮貌欠奉，又搞到全場D人都望住我哋，咁我就婉轉地拒絕，之後就慘啦….. 被人言語單打，安排嗰班客坐我地對面等，關細我哋附近的冷氣，咁我再食多一陣，實在太不安喇，就攞個盒裝起D嘢返屋企食啦。唉！好尷尬好尷尬。到返過隔離cashier俾錢時，又係嗰位女侍應收錢，又要被黑面了。D食物雖然好味，但真係唔敢再幫襯，太可惜了。…查看更多

有跟我一樣愛吃潮德菜的嗎！本地朋友帶我來的這家老店，味道好正！🥃特色醉乳鴿鵝肝拼盤端上來就聞到濃郁的酒香，竟是用威士忌醉的鵝！太特別啦！大大塊鵝肝，誘人的粉色😍熟度控制的剛剛好，入口即溶的細膩口感。醉乳鴿肉質，入口鮮嫩清涼，太適合夏天了！鹵得好入味，酒香四溢🦢鵝片三拼無法拒絕的地道潮汕鹵味😍滿滿一盤鵝肉，下面鋪滿了墨魚片和豆腐，澆上正宗鹵水，晶瑩剔透的鵝肉配上Q彈鮮美的摸魚片，太滿足！鹵汁淋飯的正宗吃飯，一定不能錯過，乾完滿滿一碗🍚🔥王朝小炒皇各種海鮮混炒蔬菜，加了堅果，又脆又香，相當開胃！吃完肉肉來一碗炒菜，絕配😍…查看更多

有朋自遠方來，去大角咀「王朝潮順館」打冷，已經幫襯過好幾次，今次約埋一大班朋友嚟，可以試多啲唔同嘅菜式，我哋一行十二人，美食家朋友一早幫我哋預訂好美食。 ❖ 避風塘龍蝦 $2288 一上枱成座龍蝦山咁，相當澎湃震撼，真係嘩咗一聲，都數唔到有幾多隻龍蝦。新鮮澳龍啖啖肉，走油夠晒鑊氣，表面香脆包裹住肉質爽彈鮮甜，用避風塘炒法，每口都帶有海量炸蒜蓉同乾辣椒，酥脆香口，加入味椒鹽，不但唔會搶去龍蝦嘅味道，反而更帶出海鮮嘅鮮味。❖ 王潮醉乳鴿 $168三款醉料理拼埋一碟好似一幅剪紙畫，醉乳鴿已切件上枱，方便客人食用，鴿肉柔嫩，滲出濃厚酒香。 ❖ 王潮酒香鵝肝 (1份) $228 鵝肝都好大隻，切片已經見到粉嫩顏色，熟度剛好，每一啖花雕嘅香氣都滲入鵝肝中，完全無腥味，肉質細嫩，入口即溶嘅感覺，平時自己好難整到嚟食，所以真係必食推介。❖ 醉香鮑魚 (4隻) $392南非鮑魚大隻厚肉切片上，口感柔軟，貝柱部位又係另一種口感，爽身彈牙有嚼勁。鮑魚味濃郁，花雕酒濃厚但又無蓋過鮑魚嘅鮮味，反而令層次更豐富。 ❖ 潮式凍大馬友 $368 食潮州菜一定要點凍「魚飯」，大馬友係魚中佳品，好大條，肉質細膩，魚油豐富甘香帶點鹹香，蘸普寧豆醬一流。❖ 生啫白鱔 $228 白鱔份量都幾多，爆煮得香噴噴夠鑊氣，白鱔肉厚肥美帶魚油香，滿滿膠質。❖ 薑蔥台山蠔煲 $238 瓦煲上枱時仲好高溫，發出「啫啫」聲，大量薑蔥爆香，醬汁濃郁仲滾緊，蠔大隻無縮水，蠔肉飽滿鮮甜。❖ 香煎魚仔 $288 三款魚倉魚、沙𩺬 、馬頭，外皮炸得金黃香脆，肉身嫩滑，魚味濃，連魚骨都食埋。❖ 手淋蔥油燒雞 (1隻) $238 燒雞皮炸得金黃非常脆，雞肉嫩有肉汁，淋上蔥油更加提味。❖ 生啫爽通菜煲 $118 瓦煲上枱熱辣辣「咋渣」聲夠鑊氣，通菜脆嫩炒得爽口，加埋豬肉片，大隻蝦乾更惹味，送飯一流。❖ 豬肚雞 $338 連gas爐上枱滾住食，滾起先飲頭啖湯，香濃帶胡椒香，好足料，雞滑緊緻，豬肚脆嫩彈牙，支竹索湯。❖ 金沙脆魚皮 $88 新鮮炸起熱氣騰騰，魚皮大塊炸得超鬆脆，咬開「咔嚓、咔嚓」聲，大量鹹蛋黃醬黐住魚皮，超邪惡，鹹蛋味濃，仲有起沙嘅口感。❖ 芥末雞腳筋 $78 ❖ 麻香蓮藕條 $38❖ 爽脆豆芽苗 $38 ❖ 滷水鵝紅 $68 ❖ 脆脆初戀帶子 $168 埋單$5210，每人$435，真係愈多人愈抵食。#王朝潮順館 地址：大角咀大全街42-44號地舖…查看更多

家人多次光顧此店，一次又一次傳來的食物照驅使我也試一次。五十多元，看看這酸菜魚的賣相，真的令你垂涎。平時食這菜都要七八十元，這是一人份量，魚片份量算多，厚薄適中，真的沒有骨，魚肉片滑而爽。混合配粒，湯汁味道剛好，非常合味伴飯。芫茜伴這些湯，真的絕配。不過，許多時候，酸菜魚這道菜，底下會有粉皮，但這店沒有，畢竟只是五十蚊，還有白飯，所以一定夠飽。由於我唔食辣，一開始就夾走乾椒，少許的微辣，正！下次找機會試下晚餐，因為店內的潮州菜也幾吸引。…查看更多

經人家的推介，路經此地就不作他選，直接進店。午市套餐選擇不算多，但不是簡單的茶記菜式。既然有酸菜魚就嚐嚐。落單後，很快便上菜。齋睇賣相已經很不錯，因為怕辣，急急夾走辣椒先，嚐一口魚，滑滑嫩肉，魚肉爽，沒有骨，能夠放心的食下去。試一口湯，正正是我想的，不會辣，不會嗆喉，酸味剛剛好。魚片份量不少，食酸菜能開胃。不過，惟有少許失望，就是沒有薯粉在內。不然，吸著這湯底，一定美味極。當然，這個價錢，現在這份量，性價比算高啊！有機會想來嚐潮菜。…查看更多