新沙洞大排檔 (大政街)

營業中

休息中

香港都要搵返間韓式大排檔，打卡之餘，仲可以回味一下韓國地道料理。餐廳佈置復古大排檔風、紅帳幕、鋼鐵枱椅。食物方面主打醬油蟹拼盤、仲有炸雞、韓國地道小食。首先會有六款「韓國小菜」～泡菜、醃蘿蔔、中華沙律、涼拌茄子🍆、涼拌芽菜、粟米火腿薯蓉🥔。🦀🦐新沙洞招牌醬油蟹拼盤配紫菜拌飯～拼盤有一隻醬油蟹、四隻醬油蝦。餐廳100%選用韓國產最頂級的延平島膏蟹，每星期都會有新鮮醃製。醬汁用餐廳黃金秘方調製，用上韓國醬油、辣椒，味道鮮甜，唔會好鹹。🐓新沙洞炸雞半份- 柚子味～韓國菜必點炸雞，啖啖肉嘅炸雞，香脆嫩滑，面頭再淋上柚子蜜，酸酸甜甜，十分開胃。🦑海鮮葱煎餅～韓國人每逢落雨都會諗起葱煎餅加馬格利米酒。今日落雨，我都要點黎試吓，滿滿海鮮的葱煎餅，味道香酥脆。🍓🍯🥛草莓牛奶配蜂巢特飲（2人份）～ 又滑又香嘅草莓牛奶，配搭蜂巢、新鮮草莓。