海防蟹膏湯檬粉
食越南菜，一定要試埋佢嘅檬粉，呢個湯用上大量蟹膏同埋新鮮番茄熬製而成，味道都幾鮮甜，真係連啲湯都飲晒🍅 面頭嘅配料都好豐富㗎，有海蝦、扎肉條、豬肉丸、墨魚餅、豆卜同埋新鮮番茄。
1
海防燒豬肉撈檬
友人就試咗佢嘅招牌撈檬，加入醬汁，再配埋側邊嘅燒豬肉，成個配搭都唔錯☺️ 呢度嘅檬粉好爽口同埋勁開胃啊🤪
海防招牌手切牛柳湯河
店員同我哋推介呢個人氣之選之一，淨係牛肉已經好特別，用上手切牛柳，牛柳肉質較實淨，切得夠薄先唔會韌😙 底下嘅河粉都幾滑溜，而且份量十足，男仔食都一定夠飽😌
越式拼盤
一份滿足到我四個願望，有大蝦春卷、墨魚餅、香茅雞翼同埋扎肉。勁鍾意佢嘅秘製墨魚餅，真係好彈牙🦑 另外香茅雞翼夠晒大隻同埋Juicy。
飲品
仲嗌咗兩杯特飲海防滴漏咖啡同埋金桔茶，兩款都各具特色，入口幾fresh🍋
呢間街坊小店嘅質素唔錯，下午茶時段會送埋飲品，咁就更加抵食啦😎
1
1
