老掌櫃東北菜館 (利奧坊)

營業中

休息中

下雨天的放工後，真的不太想煮飯，看到平時門口排滿人的老掌櫃東北菜館，竟然沒有長龍，那就直接入去食個晚飯！上菜好快，一陣間所有菜都到齊！招牌北京填鴨半隻大大份，件件厚肉，鴨皮香脆，卷皮煙靭有致，包上配料，再點填鴨醬，好好食！但份量真的很多，我們最後食唔晒，要打包走！四川擔擔麵因為不想食飯而點的，估唔到這個面除了大碗，湯底亦很濃郁，很重花生香，而且微辣，好惹味！松鼠魚我們選了龍脷柳，上枱一刻真的呆了，大大條絕對物超所值！龍脷柳肉質嫩滑，加上那甜酸醬，很香口很開胃！高力豆沙特意留肚食的，真係做得好出色，豆沙唔會太甜，食落的泡芙感很重，熱辣辣做起，真係好好食！呢間老掌櫃，除了大件夾抵食，味道仲好好，難怪好多時門口真係排滿人，今日試完終於知道排滿人的原因了！