享cafe (已結業)

同朋友去左享cafe食飯，鋪面雖小，但日式裝修嘅設計都幾有特色，聽講小店好出名嘅慢煮和牛牛小排烤牛骨髓同肥牛鵝肝，我哋都專程嗌咗嚟試！✨慢煮和牛牛小排烤牛骨髓骨髓有輕輕烤過，烤過後有好重嘅牛脂香味，骨髓嘅油脂感極入口即溶，加埋有甜醬嘅牛小排，夠晒軟懦，大約七成熟左右，撈飯一流！✨ 肥牛鵝肝 鵝肝煎到剛好金黃色，面頭有少少脆，加埋佢嘅油香味配搭住五至七成熟嘅肥牛，味道不錯，我就加咗$8配冷蕎麥麵，蕎麥麵食落好清爽又Q彈，可以解鵝肝嘅肥膩！呢個配搭很好！✨另外飲品就叫咗凍開心果朱古力，開心果好出色，味道超香，完全可以滿足哂我兩個願望另一杯飲品係小熊椰子拿鐵，飲呢杯嘢勁有儀式感熱辣辣嘅牛奶經過粒小熊咖啡冰流落去個杯度。估唔到牛奶嘅量同咖啡波波嘅大細剛溶好，恰到好處。