The Francesco

營業中

休息中

大角咀一帶都隱藏着不少食肆。今晚下班後，就決定和朋友過來覓食，過來這間位於大全街的意大利菜餐廳「The Francesco」。不經不覺又到年尾，甫踏入12月，餐廳已經放滿聖誕裝飾，好有節日氣氛。意粉非常掛汁，而卡邦尼醬汁主要以蛋黃而成，所以每一口都有濃郁的蛋香味。意粉中也加入了意大利綿羊芝士和Grana Padano 硬牛奶芝士，會夾雜著一股芝士味。配有風乾豬面頰肉，口感脆身，但就有點偏鹹。燒春雞以開邊形式上碟，方便切開進食。雞件烤到外皮脆身，雞肉充滿香草醃料的氣味，都幾juicy。但稍嫌肉質未夠嫩滑。除了主角烤春雞，還附有炸薯條、雜菜沙律和藤上番茄。炸薯條粗身，鹹香重薯味。最欣賞是那一串藤上番茄，同樣有烤香處理，入口爆汁，香口之餘又夠清新。雜菌以蒜蓉來炒香，份量都頗多。雖然只是一道簡單普通的菜式，但菇菌在蒜香伴隨之下，變得十分惹味。飲品點了Rise ‘n’ Shine果汁，由香橙、蘋果和檸檬3款水果打成，微甜又有果香。