巴希雅海灣重慶燒烤

營業中

休息中

終於可以呼吸一吓大自然嘅新鮮空氣，難得有假期又好天，一於去郊遊。去左大尾督踩單車，做運動舒展下筋骨！沿途風景好靚，仲有少少秋風，好舒服！夜晚我哋係大尾督食埋飯先走，就揀咗巴希雅BBQ做我哋嘅晚餐，仲可以觀賞到日落。以前都同月友黎過幾次，記得以前個場就無甘大，有啲迫，但而家唔同哂啦又大又寬敞，好舒服！食物佢呢度用串燒形式bbq，亦可以自行落辣粉/椒鹽粉，亦都可以喺呢度買返蜜糖揸！食物無論肉類定蔬菜類都多選擇，肉類既話我最鐘意食安格斯牛肉串、叉燒、雞軟骨、漢保扒同羊架。鐘意食牛同羊架既，食多幾件都已經回本啦。蔬菜類都有冬菇、蕃茄、洋蔥、青椒，最正既有茄子，超巨型，買盒蒜蓉架落去，加埋孜然粉，簡直無得頂。另外包埋人頭份量既大蜆、海蝦、菠蘿、香蕉同牛油金菇，新鮮。另外仲有兩款熱食有燒賣同咖喱魚蛋，啱哂啱啱踩完車既人又餓又攰，食返兩粒先開始燒野食。