影片
更多
2012-09-09
105 瀏覽
放工路過華蘭路, 見到呢間食肆好似幾企理咁喎, 又多小菜選擇, 價錢都幾相宜咁, 就入去試下啦...餐廳入面都係靠邊有D卡位, 中間就係好多可以隨意移動嘅長方型木枱木櫈, 估計中午時段又係供應迫+趕午餐...入到去先知, 小菜嘅價錢原來剩係包小菜, 轉套餐(白飯&湯)要加15蚊... 嘩... 咁嘅...是日例湯--今日係節瓜湯... 嘩... 咁大煲嘅... 1人分到2碗... 不過... 少少鹹之外, 食唔出咩味...鮮豬膶啫啫滑雞煲--第一啖覺得味道都OK, 之後越食越鹹... 再飲番個湯已經唔覺個湯鹹... D豬膶片片都切到薄到0.3mm厚, 莫非廚神出馬?!! 雞肉都係D雞翼位同轉角骨位, 冇咩肉... 紅蔥頭竟然一D都唔熱, 簡直為呢味餸增添上神秘嘅面紗...麵醬炒唐生菜--嘩!!! D麵醬用個匙羹嗶係中間完全冇推開都得嘅?!! 個大碼唐生菜仲要原條1開為2, 個梗大到放唔到入口, 乜切一切開條菜要好多時間嘅咩??? 我眼見得唔夠5枱客, 廚房忙極有限喎...埋單都要120蚊?!! 係, 佢係已經好食過美X快餐少少, 之但係咁嘅價錢配咁嘅食物, 應該短期內都唔會行開華蘭路呢
餐廳入面都係靠邊有D卡位, 中間就係好多可以隨意移動嘅長方型木枱木櫈, 估計中午時段又係供應迫+趕午餐...
入到去先知, 小菜嘅價錢原來剩係包小菜, 轉套餐(白飯&湯)要加15蚊... 嘩... 咁嘅...
是日例湯--今日係節瓜湯... 嘩... 咁大煲嘅... 1人分到2碗... 不過... 少少鹹之外, 食唔出咩味...
鮮豬膶啫啫滑雞煲--第一啖覺得味道都OK, 之後越食越鹹... 再飲番個湯已經唔覺個湯鹹... D豬膶片片都切到薄到0.3mm厚, 莫非廚神出馬?!! 雞肉都係D雞翼位同轉角骨位, 冇咩肉... 紅蔥頭竟然一D都唔熱, 簡直為呢味餸增添上神秘嘅面紗...
麵醬炒唐生菜--嘩!!! D麵醬用個匙羹嗶係中間完全冇推開都得嘅?!! 個大碼唐生菜仲要原條1開為2, 個梗大到放唔到入口, 乜切一切開條菜要好多時間嘅咩??? 我眼見得唔夠5枱客, 廚房忙極有限喎...埋單都要120蚊?!! 係, 佢係已經好食過美X快餐少少, 之但係咁嘅價錢配咁嘅食物, 應該短期內都唔會行開華蘭路呢頭...
我都係去搵番摩斯先生同胡椒先生好D, 起碼又平D又好食D, 雖然係唔多健康嘅快餐, 但係最緊要好味!!! 其他o野都唔重要!!!
張貼
