新南苑私房菜火鍋鷄煲 (海德中心) (已結業)

今日約咗3個壯男食午飯，帶咗佢地黎我其中一個飯堂。 環境: 🌕🌕🌕🌗平時黎，多被安排喺散坐，迫迫地，因限聚令，今日竟然被派入房，真係超驚喜，連我朋友都以為我做咩咁巴閉，四個人都可以坐6人房，坐同傾都好舒服，好滿意。 裝修有別於一般中菜廳。有好多塗鴉，燈都非常有特色，間隔用鐵閘 (隔聲效果唔太好)，感覺比較似係西餐廳。 食物: 🌕🌕🌕🌗 如果你用私房菜嘅標準，你會好失望。若以家常小菜，你會覺得好食又大份，女士應該食唔哂。 老火湯 - 足料，幾好飲，朋友話應該無咩味精四季豆 - 平時食開都係唸同入味D，呢度係爽既，無咁咸，感覺新鮮。朋友好喜歡，但我始終鐘意唸同濃味D。一招牌咕嚕肉 - 每次黎都必叫，咕嚕肉肥瘦適中，炸皮唔厚，面頭脆脆地，讚!帶子西蘭花 - 帶子幾大粒，西蘭花新鮮，煮法與四季豆一樣，唔會好唸，偏向硬身甜品 – 基本上都是奶凍，好食，但也希望可顧及唔食奶類既客人，間中轉下其他甜品呢?價錢: 🌕🌕🌕🌕每個餐有廳湯、主菜、白飯、仲竟然有甜品。埋單每人連加一只需$100。抵！