大甲芋圓

營業中

休息中

大甲芋圓招牌大甲芋圓$28材料有仙草、芋圓、芋泥、地瓜圓、有餡嘅芋圓、大甲芋圓雪糕。可以見得到材料係非常之多嘅， 雖然芋圓嘅味道唔夠重， 但如果以呢一個價錢嚟講， 佢個性價比都幾高， 如果糖水可以甜返少少同凍返少少，我相信會變得相當唔錯。可可冰麻糬$18就咁睇以為佢一個朱古力cake， 其實佢係一個朱古力嘅冰麻糬。涼浸浸冰冰涼嘅麻糬食落口好過癮， 唔好睇佢好似好細兜咁呀， 食到一半已經開始覺得好飽， 分量好充足㗎。整體嚟講呢間鋪都幾抵食， 都值得一試㗎。