雞翼山 (T.O.P This is Our Place)

營業中

休息中

去旺角行街成日都會經過呢間雞翼山。見佢出左好多口味，好吸引🤩成日都好想試，今次終於嚟試啦🤤店面唔大，有一張長枱同一張長凳可以堂食。店舖嘅設計都好特別，張長凳係好開陽，可以涼住自然嘅風🌬，一邊好chill咁同朋友食雞翼傾吓計。店舖算係半室外，但係完全唔熱，因為有兩部強勁嘅冷氣風扇吹啲凍氣出嚟，完全夠涼。😌12件雞翼 $128黑松露武士雞翼、濃厚櫻花蝦蝦醬雞翼、港式避風塘蒜香雞翼呢個餐可以揀三款唔同味嘅雞翼，包埋一杯嘢飲🧃。武士雞翼除咗基本調味醃料之外，外皮撒咗黑松露粉，食落有濃郁嘅黑松露味🤟🏻。唔會畀其他醃料鹹味覆蓋，係成隻雞翼嘅焦點✨。蝦醬雞翼有驚喜，好鍾意！雞翼食落有海鮮🦐嘅鹹香，舖頭亦都喺表面搽咗一浸蜜糖🍯，識落鹹甜交融，唔會死咸好好味😋😋避風塘雞翼好惹味，上面撒左滿滿嘅炸蒜🧄，粒粒炸蒜都係好香脆，雞翼都用咗黑椒味調味好香口，加埋雞翼食落口感有層次，雞翼肉質都好滑。食完成間房都係蒜頭味😆。一人餐 C $58Croffle 🥐即叫即整，咬落去脆口，好厚實，明太子亦都畀得好足，帶少少辣。加埋菠蘿🍍嘅甜，生菜🥬嘅爽口同埋無骨雞翼嘅啖啖肉，令到每一啖都好豐富，好滿足😋🤩。