家賀屋刺身寿司專門店

週末放工約朋友到灣仔食午餐，知道附近有一間日本餐廳「家賀屋」非常出名。家賀屋入座不會限時，可以和朋友慢慢食，慢慢閒談。難得餐廳週末有午市套餐，肯定比起晚市更抵食，值得一去。⍥ 1. 大關刺身定食首先，大關刺身拼盤有中本鮪魚腩（拖羅）、油甘魚、日本帆立貝和特大赤海老。中拖羅油脂豐腴如霜降，入口散出即化的綿密感，油甘魚切得厚實肥美，帆立貝大大粒好鮮甜，特大海蝦彈牙鮮甜，全部都非常新鮮又大塊，口感味道一流。先食作為前菜的胡麻田園沙律，醒一醒胃。定食跟附的手打烏冬滑順彈牙，湯頭清澈，絲毫沒有濃鹹的味精味道；最後食一口日式海鮮燉蛋，中和味蕾，非常舒服。⍥ 2. 特選海鮮丼定食這碗丼飯可算是「海鮮珠寶盒」，鋪滿三文魚籽、海膽、吞拿魚蓉、拖羅、赤貝、三文魚、燒玉子、油甘魚、赤蝦、左口魚十餘種頂級食材。磯燒鮑魚Q彈中帶有焦香，海膽新鮮無腥味，三文魚籽和拖羅蓉配上醋米飯一齊食就最夾了。仲有赤貝、左口魚、三文魚同燒玉子，一次過可以食晒全部刺身，大大大滿足。