烏蠅館 (已搬遷) 新店位置

最近天氣又涼返，食返條香辣惹味嘅烤魚就至fit啦～今次就揀左尖沙咀呢間烏蠅館，餐廳內裝修簡約，有茶餅及茶具裝飾，幾適合打卡。一坐底，店員就主動介紹烤魚口味，我地就揀左麻辣三刀魚。烤魚上鋪滿蒜泥、洋蔥同多款辣椒。旁邊有萵筍、芋絲同黑木耳。因為魚肉係預先烤熟，所以等一分鐘水滾就食得，魚肉份量十足，又非常嫩滑，加上麻辣配料，超級好味！而配菜完全吸收麻辣湯汁，辣得過癮。另外仲加左一份白鱔片，白鱔已經去骨，爽口又甘香，同魚肉完全唔同，令呢一餐更有層次。