Mojo Bistro

營業中

休息中

法式鴨肝二重奏香煎鴨肝配蘋果醬及鴨肝焦糖燉蛋配多士鴨肝外層金黃酥脆，入面保持柔嫩。搭配蘋果醬可以中和鴨肝的濃郁，仲增添了清新的果香層次。鴨肝同焦糖燉蛋冇諗過可以咁夾，食落口感非常順滑，每一啖都食到鴨肝嘅香味，用嚟配多士食一流。而家有優惠二選一：每日指定菜式半價優惠 *或* 生日當月慶生訂座可獲贈招牌火焰雪山一份自家特調白酒忌廉汁藍青口配薯條及蛋黃醬我哋去嗰日嘅指定半價優惠菜式就係哩款。青口份量係我食過嘅餐廳入面份量比較多的一間，而且醬汁一啲都唔吝嗇，如果有麵包的話我一定會食晒啲汁。薯條新鮮，炸得好脆，配蛋黃醬食唔停口。法式油封鴨腿配紫甘藍及黑松露薯蓉油封鴨腿外皮酥脆，一切開去鴨油流晒出嚟，肉質十分嫩滑。配埋紫甘藍一齊食解膩剛剛好，黑松露薯蓉香氣十足又綿滑，完全是高級享受～Tiramisu外型好搶眼，用糖整左個半圓外殼，可以自己扑碎黎食。tiramisu 咖啡味溫和，cream好輕盈，完全零負擔。餐廳有室內室外座位，裝潢充滿復古風情，燈光柔和，非常有情調。