饞。台式食堂

營業中

休息中

一向都好鐘意食台灣野，估唔到K11 Musea呢到有間台灣野都幾好食又唔貴! 紅燒半筋半肉刀削面可以簡湯底，有紅燒同埋四川麻辣簡，要食正宗，一定係簡紅燒。面底都可以簡陽春面或刀削面，鐘意有咬口的我就簡左刀削面。見到湯底冇浮油，色澤偏暗色，就知道好夠濃醇，聞落去都冇羶雜味道。而且佢仲有配酸菜，佢呢款酸菜好好食! 牛肉熟爛適中，唔會太肥膩，都唔會乾柴，吸曬湯汁!仲有我最鐘意既筋位，好有嚼勁。 黃金脆皮雞卷自從係台灣食完之後就一直心心念念，估唔到呢到既小食有! 雞皮煎到好香脆，入面雞肉嫩滑!最後配番杯白桃烏龍，唔太甜，好解膩。