HeySoNuts

營業中

休息中

上次黎食過egg benedict覺得好好味，尤其九龍區都比較少食到，想encore點知賣哂，隨意叫其他野都好唔錯喎。自家製喇沙汁海鮮扁意粉醬汁做得非常好，唔會咸但做到喇沙汁精髓好惹味，就算冇任何配料淨係意粉撈汁我都有信心食哂。 海鮮彈牙有鮮味，秋葵新鮮，輕鬆清碟。手打雞肉蝦堡漢堡真係食得到個自家製手打嘅風味，蝦堡一啲都唔滑，而係比較鞋口嘅雞肉碎口感，但係紮實足料。 好鍾意漢堡包烤得酥脆，大量蔬菜好新鮮，醬汁惹味開胃。 薯條熱辣辣，軟綿綿有薯香。開心果茉莉花醬窩夫估唔到叫半份都有四件，窩夫夠鬆脆有蛋香，開心果醬都有驚喜，真係好濃果仁味。 除左有粒粒真開心果碎，連墊底嘅脆脆都係蛋卷碎，配埋有雲尼拿籽嘅movenpick，非常有誠意。