地址: 土瓜灣浙江街18號利·港灣18 1樓
電話: 66778816
🔹🔹🔹🔹🔹🔹🔹🔹🔹🔹🔹🔹
以前比較少去土瓜灣覓食，一來無地鐵🚇，二來巴士線路又唔係好夾我。屯馬線開咗之後，土瓜灣不再成為一個吊腳嘅地方。經朋友極力推介下，今次黎咗呢間食私房菜。不要以為私房菜只係食小菜，呢度仲有打邊爐，亦有佐酒小食同各類小炒。
餐境地點只是距離地鐵站D2出口兩分鐘左右，搭𨋢上一樓，環境光猛，乾淨衛生，枱與枱之間頗為寬敞。可能天氣凍嘅關係（其實都唔關事，🇭🇰香港人🇭🇰全年都可以打邊爐😂），食客基本上都係打邊爐🥘為主。我地亦都一樣。
💫涼拌海蜇頭($68)
海蜇營養價值好高，有降血壓，擴張血管，化痰清腸胃之效。呢度嘅海蜇頭非常爽脆，醬料甜酸味平衡，調味非常惹味，醒胃至極，為接住下來打爆個胃做好準備！
💫品記花膠養生雞煲（$188）
湯入面有滑雞、花膠、紅棗、桐杞、淮山、黨參。
湯頭已經預先熬煮咗數小時，喝下去湯味濃郁而不油膩。加入花膠，紅棗等，味道鮮甜，滋補養顏。侍應們教我們先飲湯，飲夠先開始打邊爐。中間要添水嘅話，亦都係加高湯唔係加水嘅，所以一路都保持住濃濃嘅湯底到最尾。
💫手切本地肥牛（$288）
牛肉油花分佈平均，肥瘦適中。淥下就食得，入口嫩滑唔靭，牛味香濃。
💫豬骨濃汁貢丸（ $38 ）
貢丸質地軟硬剛剛好，豬骨濃湯汁注入貢丸內，不同於坊間普遍食到嘅香菇貢丸。咬下去多汁彈牙，豬肉味滿瀉，口感層次豐富。
💫娃娃菜（$38） 皇帝菜（$38）粟米（$32）
💫午餐肉（$36）💫日本帶子（$98 ）💫滑豆腐（$30）💫手打墨魚滑（ $68 ） 💫什丸（$58）💫蘿蔔片（ $30 ）💫炸魚皮（$35）
全部價錢合理，非常乾淨新鮮，味道高質。
侍應們服務態度非常好，每一個都熱情有善。環境光猛寬躺，環境嘈雜很有大排檔風味，係一大伙人食飯聚腳好地方。👍🏻👍🏻
6
整體好食指數：🌕🌕🌕🌕🌕🌕🌕🌕🌕🌕（10 / 10）
🔹🔹🔹🔹🔹🔹🔹🔹🔹🔹🔹🔹
2
2
