川婆婆 (寶勒巷) (已結業)

上個禮拜食完銅鑼灣川婆婆，已經心思思想再試下尖沙咀店的串串火鍋+燒烤放題，80款配料，CP值高，最特別的地方係以茶做湯底，可以選擇菊花、普洱或玫瑰紅茶，再配上麻辣湯底，聽落覺得幾特別，比起普通麻辣湯底更清新解滯，茶的味道唔會好出，細細品嚐又會感受到。B餐 $298（中間價位）包括自助區配料任吃，牛頸脊/牛小排/SRF肉眼邊，時令海鮮盤每枱都會送上雪花牛小排、牛頸脊，然後即到串串自助配料區，勁多款式任你揀分好一碟碟，唔駛夾來來去，肉食系女子最喜歡選擇泡椒牛肉、芫荽牛肉（芫茜黨最愛）、薄荷牛肉（幾清新好吃），滷腸、羊肉串串、牛黃喉、牛柏葉，仲有脆肉鯇、鴨血、貢丸、墨魚丸、豆腐、山根，蔬菜選擇都唔少，食物平均來就都唔錯，沒有將價就貨，串串的肉大大舊，一定滿足到各位大胃王‼️重點推薦川婆婆的寬粉真的超好吃，Q彈又滑溜溜，吸滿了湯汁食唔停口，我們encore了勁多次海鮮拼盤方面，用料新鮮都唔錯，有鮑魚、蟶子、海蝦、大蜆幾高質，當中最喜歡鮑魚爽口彈牙，另外套餐包含的牛頸脊都好有牛味，色水睇落都紅幾靚鐘意孜然羊肉串的我，DIY自己動手燒，將羊肉串灑上孜然粉及香蔥，肥瘦相間， 十分滋味😋飲品方面，我們一