影片
更多
2011-12-23
76 瀏覽
等左好耐, 終於試到呢間classified. 因為門面好靚好歐洲, 一直都好想試. 今次終於去到試... 結果..如標題: 大失所望!!!!!!!!!!!唔得既原因係:1. 3人坐底, 明明附近有枱, 中間夾住一pair 人, 只要調一調, 就可以拍埋張枱俾我地~但佢冇咁做. 只係叫我地坐o係門口位, 2個人的話都ok, 3個人的話, 一不小心就會跌落去. ( 因為佢地餐廳係起高左好多) 但基於可能佢地都係唔想煩到其他客人, 所以我都勉強接受~2. 坐底後, 我地3個人, 拎左好多野, 3個人坐 , 本身巳經好迫, 再加埋d 野, 真係冇得坐, 又驚自己跌出門外, 所以就請侍應俾多張chair 我~等我地可以放好d野, 外籍侍應聽完, 面有難色~ 就行開左..我再叫個經理拎,佢又係好勉強地拎俾我.....其實當時巳經9點幾. 好明顯店內巳經唔太多人. 如果唔係位置問題, 我都唔會要加多張chair 啦.....3. 叫野食時, 我地諗左好耐. 外籍侍應走黎問我地叫得野未, 咁我地的確仲諗緊..你催我做乜呢 轉頭, 經理又問..好啦..咁只好快快地叫野食~ 叫完, 佢問我地飲乜野..我
因為門面好靚好歐洲, 一直都好想試.
今次終於去到試... 結果..如標題: 大失所望!!!!!!!!!!!
唔得既原因係:
1. 3人坐底, 明明附近有枱, 中間夾住一pair 人, 只要調一調, 就可以拍埋張枱俾我地~但佢冇咁做. 只係叫我地坐o係門口位, 2個人的話都ok, 3個人的話, 一不小心就會跌落去. ( 因為佢地餐廳係起高左好多) 但基於可能佢地都係唔想煩到其他客人, 所以我都勉強接受~
2. 坐底後, 我地3個人, 拎左好多野, 3個人坐 , 本身巳經好迫, 再加埋d 野, 真係冇得坐, 又驚自己跌出門外, 所以就請侍應俾多張chair 我~等我地可以放好d野, 外籍侍應聽完, 面有難色~ 就行開左..我再叫個經理拎,佢又係好勉強地拎俾我.....其實當時巳經9點幾. 好明顯店內巳經唔太多人. 如果唔係位置問題, 我都唔會要加多張chair 啦.....
3. 叫野食時, 我地諗左好耐. 外籍侍應走黎問我地叫得野未, 咁我地的確仲諗緊..你催我做乜呢 轉頭, 經理又問..好啦..咁只好快快地叫野食~ 叫完, 佢問我地飲乜野..我地又未諗,佢又一臉不滿..................之後我地諗左一輪, 都唔知飲乜 ( 其實係因為去之前,我地去左大坑間cafe飲左, 所以都成肚水, 唔想再飲). 經理又再問, 我話唔飲住..佢即刻黑面走左..水都冇杯..............................
4. 上菜 - 極快~ 快到所有野一次過上晒..唔講我以為自己食緊中菜..咩事呀....! 趕住收工 沙拉同意粉一齊黎..我冇理由唔食熱o個份先架...最終我地係最後先食個沙律..............................
5. 食物
- 沙律: 苦既!! 我知有d 菜會係苦苦地..但佢係完全極度苦...............唔講以為自己飲緊苦茶. 點食呀!
- pepper tuna: 細得可憐~ 稱不上好味, 古古怪怪咁囉~
- 意粉: 唯一好味既意份~ 港式份量, 大大份~
- 意大利飯: 暖暖地, 加埋隻蛋, ok 好味
- 三文魚飯: 三文魚好味~ 但飯係凍既~ 自問自己唔識食凍飯~再加上佢既味道, 太重香料, 又甜又香, 食唔慣. 太似埃及菜中既飯. ....好難食...
希望越大, 失望越大. 食物唔好食, 有可能每個人既要求唔一樣~ 冇得講~
基本既服務, 應該大家既要求都相同. 如果只係因為唔叫野飲就黑面, 連水都唔會主動俾我地的話. 咁既服務, 太港式了~~又唔係茶餐廳... 又或者 ~ 我唔係外國人, 唔會一路飲酒一路食飯, 係我唔岩去啦~~~
所以, 唔會再去了~
張貼
