維港灣餃子坊

營業中

休息中

一向都好鍾意食餃子，呢度餃子嘅種類都好多。叫咗個香芹豬肉湯餃麵，一共有五隻，每隻都好足料好大粒。平時食開餃子鋪嘅湯麵，大多數都係配上海麵，但呢度有足足六款面揀而且仲有得揀烏冬添！而呢一個湯底個係豬骨濃湯，湯底好清甜，而我呢就揀咗刀削麵，湯麵佢仲俾咗兩個豆卜。食得餃子又點少得菜甫，呢度嘅菜甫有少少辣，好惹味。另外小食叫咗蒜泥白肉同埋土匪雞翼。呢度嘅土肥雞翼望落去呢好似炸過咁，好香脆，入邊嘅雞肉亦都好嫩滑。呢到既蒜泥白肉超多蒜，豬肉片比較厚身。呢度仲有其他新款既餃子，朋友叫咗個鹹蛋黃芥菜鮮肉餃都好特別，估唔到鹹蛋黃做餃子餡都幾夾。見到餐牌仲有芝士系列嘅煎餃架！ 下次一定要來再試下。