山景閣

營業中

休息中

好耐無食過自助餐啦，所以我就約左個朋友去尖沙咀一間酒店既自助午餐，食完仲可以去行街，非常方便。酒店式既自助餐，裝修非常典雅，好舒適既環境，坐位亦都好寬敞，夠哂位比我地出入去拎食物。呢度以自己午餐黎講，真係有好多唔同既選擇，有沙律，魚生，壽司，生蠔，生蝦，熟食，甜品等等。而我地最鍾意當然係大大隻生蠔啦，非常新鮮，而且勁大粒，一口放落口真係好滿足，不停都有加，好快就比人拎哂，食多幾隻都抵番哂！甜品方面都有專人企係度幫我地整pancake ，可以揀生果同醬，小朋友一定會好鍾意。整體黎講，環境好，侍應有禮貌，食物都好味，下次可以再黎。