江南瀨粉 (福榮街) (已結業)

欣賞完嘉頓山嘅city view之後，路程5分鐘嚟到，大約晚飯時間6點半入座，當時仲有幾枱空位，完全唔使等😄即刻入去醫肚仔～#見到網上最多人推介大大碗鮮製瀨粉，於是決定一試究竟。名副其實，乜料都有！！大大粒鳳城水餃🥟、肥牛、生菜、豬潤一片、豆卜、2款丸、黃金片頭etc. $49一碗。個人認為意外驚喜係乾燒腩肉，雖然呢款配料份量唔多，但腩肉碎浸喺清湯入面啲䶢香味絲毫冇流失，反而有畫龍點睛效果。瀨粉本身係第一次食，冇比較亦冇優劣之分。