渝薌烤魚 (已結業)

渝薌烤魚，之前仲住緊九龍城已經間中一路有食，覺得佢味道一直保持好好嘅水準。平時下午去食會平一啲，一個烤魚套餐都係200蚊左右。不過為咗同朋友一齊食所以夜晚去。有時呢間食店都幾多人幫襯，最好打個電話去留個位啦。我今次叫咗一條烤魚，小辣。其實小辣都只係吊味，鍾意食辣嘅朋友可以要正常辣或者特辣。烤魚十分香口，肉質嫩滑。另外仲有配菜可揀，我揀咗唐生菜，唐生菜可吸埋烤魚汁精華，正！另外每人叫咗個淨魚湯米線，個魚湯真係好味，食得出係真係用魚煲出嚟。最後我係飲哂啲魚湯。一邊食烤魚一邊食魚湯米線，其實食完都好飽。三個人食最後埋單都係$400左右，如果多啲人食可以試埋炒蟹添！