100
21
7
| 餐廳: | 渝薌烤魚 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵宋皇臺站B2出口, 步行約1分鐘
繼續閱讀
電話號碼
23824168
附加資料
主打特色重慶烤魚 招牌菜: 麻辣味烤魚, 新鮮白鱔串
營業時間
今日營業
11:30 - 22:30
星期一至四
11:30 - 22:30
星期五至日
11:30 - 23:00
以上資料只供參考, 請與餐廳確認詳情
食評 (141)
朋友同我講九龍城有間烤魚好出色 仲要全日唔使+1好抵食❣️海蜇皮蛋 $60大大份皮蛋好多舊 海蜇吸收左豉油好入味夏天食呢個冷盤一定好正❣️雞軟骨串 $20/串脆卜卜雞軟骨好咬口好過癮 燒到金黃香脆加埋孜然粉好惹味❣️羊肉串 $20/串無羶味一啖一粒啱啱好 麻辣鮮香外酥內軟🐑❣️牛肉串 $20/串燒到啱啱熟嘅羊肉唔會鞋口 孜然粉適當調味 加上埋香口感好滿足❣️新鮮白鱔串 $52/串見到大家都話呢個必嗌就試嚇 魚身彈牙厚實 無骨即食魚皮燒到脆香可口 相信冇乜邊個可以拒絕到❣️原條燒茄子 $52/串超多蒜蓉同蔥一齊燒十分入味🍆茄肉軟綿綿多汁鮮甜 飲酒絕對推薦❣️串燒秀珍菇 $24/串薄薄地嘅秀珍菇 兩邊火候平均分布 燒汁微甜帶出鮮菇原先嘅鮮味🍄❣️香麻辣味烤魚(細半條) $229真係估唔到細半條都咁大條🐟每份魚仲要送一個小食 水晶薯粉晶瑩剔透相當爽口 同條魚放埋一齊煮陣 掛湯能力夠強 麻香味立即充斥整個口腔湯底唔似出邊連鎖店咁油咁多辣椒 對比起梗係健康啲味道無花無假 麻嘅辣嘅缺一不可 另外豆卜吸滿湯底精華 一咬落去噴曬汁 完美地體驗火辣辣嘅一餐
繼續閱讀
九龍城一向多美食😋，今日去咗一間開咗十幾年嘅老字號，不過唔係食泰國菜而係食烤魚🐟，識我嘅人可能會問，我唔係唔食烤魚㗎咩？！係囉！點解嘅😆？！渝薌烤魚地點非常方便，宋皇臺站B2出口，1分鐘後便行到，店內環境舒適簡約🤗，座位唔多，但坐得好舒適🥰。香辣味烤魚細半條中辣 $229(5時前優惠$199) 敬送$28的配菜一份老闆選用新鮮的鯇魚🐟，所謂細半條其實份量都唔少，上枱前先煮過🔥，肉質結實，不易煮爛😍，吸收咗香辣🌶湯汁後，越食越辣🌶，越辣越想食🥰。配菜選了豆卜，份量勁多，同樣勁吸汁又好食。另加豬潤 $54豬潤🐖切成薄片，灼的時間比較容易掌握🥰，豬潤新鮮無異味，非常新鮮，掛上香辣湯後，十分好食😋。風味燒烤小辣(6串) $108豬頸肉2️⃣串、牛肉2️⃣串、羊肉串及墨丸串，全部🍡都燒得乾身焦香🔥，肉質軟腍，加上微微的孜然粉及香辣粉🌶調味，特別香口惹味😍。新鮮白鱔串 $52(九折後$47)白鱔非常新鮮，燒至皮脆肉嫩又多汁🥰，只用上鹽輕輕調味，令味道更加鮮香，回味無窮😍。麻辣蠔仔 $72(九折後$65)蠔仔非常新鮮，粒粒都厚肉多汁，味道麻辣鮮味🌶，第一以嘗試冷盤蠔仔，估唔到咁好食😍。唔好以為店舖淨係得辣嘢🌶，當日我午市去食，目測好多人叫佢地嘅新鮮魚湯米線🍜，望落好吸引，應該都好食，下次有機會去試下先😍。總括而言，食物價錢親民，真心唔貴，午市去食更抵因為好多有9折優惠，如果食烤魚就更抵，1700前食更加有優惠價，平過9折。九龍城味食肆林立，能夠屹立不倒總有佢嘅原因。
繼續閱讀
最近 Iby 到九龍城夾公仔，在路上發現了這家餐牌價錢超便宜的「渝薌烤魚」！門面及環境溫馨舒適，店內的裝飾簡約而精緻，營造出一種宜人的用餐氛圍。ԅ(♡﹃♡ԅ)坐下後，Iby 迫不及待地點了無幼骨鉗魚烤魚和店員推薦的燒鮮白鱔串，期待著它們的味道能夠滿足我們的味蕾⋯⋯(*´﹃｀*)⸜♡⸝ 😋 香辣味烤魚：鉗魚（無幼骨） 加娃娃菜 中辣 🌕🌕🌕🌕🌕 368 ʜᴋᴅ😋 燒鮮白鱔串 🌕🌕🌕🌕🌕 52 ʜᴋᴅ*2😋 細玻璃樽裝可樂 🌕🌕🌕🌕🌕 28 ʜᴋᴅ*2😋 樽裝烏龍茶 🌕🌕🌕🌕🌕 32 ʜᴋᴅ*2😋 香片玫瑰茶 🌕🌕🌕🌕🌕 免費✩‧₊ 💬無幼骨鉗魚烤魚是渝薌烤魚的招牌菜之一，一看餐牌的第一頁就可以馬上看到！另有鯇魚可供選擇，鯇魚可選 全條/大半條/小半條，而鉗魚則僅可選擇全條。這道菜以新鮮的鉗魚為主料，不經任何預先醃製，直接放在調味不錯的湯底中，啖啖鮮嫩多汁的魚肉，且沒有細刺！(৹ᵒ̴̶̷᷄́ฅᵒ̴̶̷᷅৹)雖然不及江團魚肥美，但便宜很多，而且肉量是江團魚的一到兩倍，加上可以選擇走「麻」，更能吃到魚肉濃郁的口感和香氣，每一口都讓 Iby 感受到了川渝美食的獨特魅力。⁽(◍˃̵͈̑ᴗ˂̵͈̑)⁽燒鮮白鱔串是渝薌烤魚的另一道招牌菜，即叫即燒，等了大約10分鐘，才吃到鮮嫩可口的白鱔魚肉，每一根鱔串都烤得金黃酥脆，入口即化。鱔串上的調料味道超級惹味又不會過濃，且完美滲透到魚肉中，使其更加美味。無論是外觀還是口感，這道燒鮮白鱔串都是一道令人垂涎欲滴的佳餚！所以 Iby 跟家人吃了一口後，就立刻再多加一串！這家的飲品類亦非常「夠凍」！而且贈送的香片加入玫瑰花後相得益彰，形成了一種令人愉悅的香氣及甜味，使我們原本不喜歡的香片味道變得柔和而豐富，自然的甘甜加上玫瑰花的花香，令人陶醉。總括來說，渝薌烤魚的無幼骨鉗魚烤魚和燒鮮白鱔串不僅美味，而且價格實惠，無幼骨鉗魚烤魚的魚肉鮮嫩多汁，烤制得恰到好處，而燒鮮白鱔串更是店中的瑰寶。如果你想嘗試正宗的川渝美食，渝薌烤魚絕對是一個不容錯過的選擇。無論是與家人、朋友還是情侶一同品嘗，都能帶來愉悅的用餐體驗。讓我們一起來享受這美味的烤魚之旅吧！𖤐ˊ˗ 二人享用，人均消費💰266ʜᴋᴅ （免加一）𓈊ˊ˗渝薌烤魚❣️九龍城衙前塱道12號地舖📞23824168🈺星期一至四 11:30 - 22:30星期五至日 11:30 - 23:00
繼續閱讀
🌤️今日去到九龍城我發現呢一間隱世四川烤魚！可以係九龍城多年屹立不倒既烤魚，一定唔簡單，所以決定去試吓！🩷🍴今日我同男朋友就叫左呢度好出名嘅酸菜味烤魚！🐟另外仲叫咗麻辣魚皮同好多串燒，包括新鮮白鱔串，雞軟骨串，牛肉串同豬頸肉串燒！🍢🐠酸菜味烤魚我哋叫咗細半條烤鯇魚小辣，另外加咗蓮藕同埋豆卜！估唔到一上菜，份量原來好多，裏邊原本嘅配菜都已經有芫荽，大蒜，香蔥，芽菜，木耳同大量酸菜。 鯇魚好鮮好嫩滑，完全冇腥味！旁邊嘅配菜吸盡魚同湯既精華，大口大口食，真係回味無窮！🐟麻辣魚皮我就叫咗小辣嘅麻辣魚皮，麻辣味好香，魚皮好爽彈，裏面有芫荽，青瓜同花生，夾埋一齊食好香口，做開胃菜一流！🐟新鮮白鱔串白鱔嘅表面脆脆地，有一層醬汁，食落去好有嚼勁而且帶有炭香味，值得再食！🍢其他串燒我哋就叫咗小辣串燒，孜然粉嘅味道好出！雞軟骨串好有嚼勁，口感爽脆！牛肉串同豬頸肉串都好香孜然粉味，肉質鮮嫩，咬落去保持到肉汁，真係好滿足!P.S. 雖然餐廳細細間，不過有一種講唔出嘅親和力！服務員都好熱心，上菜亦都好快，下次會返嚟再食👍🏻
繼續閱讀
在九龍城屹立18年嘅烤魚 品質一定有保證！同朋友睇完電影 想過去食下烤魚過下口癮 叫左個細邊香麻辣烤魚 朋友唔太食得辣 於是揀咗小辣 烤魚用了鯇魚 條魚雖然多骨但係骨肉非常鮮明 啖啖肉 新鮮魚身夠大條 足夠兩個人嘅份量 裏邊有唔同嘅配菜芫荽、大蒜、娃娃菜同蓮藕等小辣都已經好夠味👍🏻👍🏻魚食得出係經過用心烤製 不是油炸出來我就自己加咗個紅薯粉 好吸味 而蓮藕食到爽爽爽聲 其他小食都好唔錯 例如有辣子雞軟骨非常脆卜卜 唔會太辣 炒埋啲青椒好有火候鑊氣 見到牆身貼上麻辣煮東風螺 都只係$69 東風螺用竹籤慢慢篤 份量算多 肉比較的骰但鮮味有咬口 然後這裏的推介還有燒白鱔串 平時不太愛吃鱔的人這個也會令你改觀 呢種魚雖然有少少骨 但係味道香口 不用添加任何醬料能夠足以帶出鮮味！另外我好欣賞個芥末魚皮可以話係我近期食嘅魚皮當中最好食！絕對係店內嘅熱門首選 最後飲埋支鹹柑桔 解渴滋潤清熱正！
繼續閱讀