影片
更多
2017-11-17
131 瀏覽
好耐無試過食得咁盡興，無論食物定服務都好高水準，一定會再黎！之前睇過報道話呢到有自由定價既廚師發辦，難得有朋友話請食飯，我就建議一行三人試下呢間小店。訂位既時候同店員講左價位，可以由顧客自己定價，仲講埋啲咩特別想食或者唔食，估唔到師傅前一日親自打電話黎同我confirm多次，真係好貼心，未食之前已經留有好印象。前一日我話咩都食之後，師傅就話「咁等我準備下啲古靈精怪野先！」，所以當日都非常之期待。其中一個朋友遲到，我地叫住枝泡沫清酒飲，甜甜地好易入口，空肚都唔怕。前菜三點，由左至右食。最左邊係芥末甜蝦，配搭新奇，甜蝦爽口開胃。中間係珊瑚肉配海草，酸汁令人回味。最右係鮟鱇魚肝，份量剛好，蘿白蓉既微辣好合我心意。其實我同左師傅講話想食貝類，佢真係好有誠意咁比左原隻帶子同赤貝我，超超超超開心！兩款貝都好爽甜，帶子同青檸汁係絕配，亦可以加少少海鹽食，如果可以再凍少少就完美啦！另外既刺身仲有三文魚腩，深海池魚，同埋海膽魷魚。海膽魷魚入面既紫蘇葉絕對係神來之筆，令到味道昇華到另一個層次！大根沙津，好創新既嘗試，蘿白爽脆。味噌茄子，一樣出色。鰻魚卷，其實食卷物最主要睇兩樣野，飯同紫菜。魚既話都係一分錢
之前睇過報道話呢到有自由定價既廚師發辦，難得有朋友話請食飯，我就建議一行三人試下呢間小店。訂位既時候同店員講左價位，可以由顧客自己定價，仲講埋啲咩特別想食或者唔食，估唔到師傅前一日親自打電話黎同我confirm多次，真係好貼心，未食之前已經留有好印象。
前一日我話咩都食之後，師傅就話「咁等我準備下啲古靈精怪野先！」，所以當日都非常之期待。
其中一個朋友遲到，我地叫住枝泡沫清酒飲，甜甜地好易入口，空肚都唔怕。
前菜三點，由左至右食。
最左邊係芥末甜蝦，配搭新奇，甜蝦爽口開胃。中間係珊瑚肉配海草，酸汁令人回味。最右係鮟鱇魚肝，份量剛好，蘿白蓉既微辣好合我心意。
其實我同左師傅講話想食貝類，佢真係好有誠意咁比左原隻帶子同赤貝我，超超超超開心！兩款貝都好爽甜，帶子同青檸汁係絕配，亦可以加少少海鹽食，如果可以再凍少少就完美啦！另外既刺身仲有三文魚腩，深海池魚，同埋海膽魷魚。海膽魷魚入面既紫蘇葉絕對係神來之筆，令到味道昇華到另一個層次！
大根沙津，好創新既嘗試，蘿白爽脆。
味噌茄子，一樣出色。
鰻魚卷，其實食卷物最主要睇兩樣野，飯同紫菜。魚既話都係一分錢一分貨，飯就睇技術，紫菜睇誠意。雖然用既唔係貴價魚生，但兩樣都無令我失望，無偷工減料，絕對好食。
slow-cook牛肋肉，好出色既一道菜，肉味足，牛肉煮得岩岩好，三個人都讚不絕口。
之後又開左第二支sake～
同師傅講唔夠飽，佢每人比左兩份稻庭烏冬我地，食完果刻真係又滿足又盡興。
賢師傅每一道菜都親自介紹，佢同每位食客都有講有笑，完全睇到佢既心機，同埋對客人仲有食材既尊重。
我一定會再次光臨，因為想享受多次難忘既晩飯。多謝神川料理。
張貼
