慢煮工業 (已結業)

🍽慢煮工業 @undervacuum 之前返工經過太子嘅呢間慢煮工業已經好想試吓，不過覺得好似佢哋嘅晚市吸引啲，所以就決定搵日放工嚟試吓～呢間野原來都幾受歡迎，我哋六點鬆啲去到，過咗冇幾耐已經全場爆曬，好彩我哋有book定位！🤍安格斯西冷牛扒16oz ($190)以16oz嚟講呢度嘅西冷牛扒真係唔算貴，雖然望落唔係好大塊，但係由於佢勁厚切嘅關係，所以都一樣夠晒飽。呢塊牛扒冇得揀幾多成熟，淨係有得揀全熟/普通，咁我哋就梗係揀普通啦！最後俾我哋嘅感覺都唔錯，可能因為厚身嘅緣故所以啲肉中間都仲有少少粉嫩，咬落唔算太韌。🤍鹹蛋黃炸雞鎚（4隻）（$78）炸雞鎚四隻都幾大隻，而且炸得啱啱好唔會太老，每隻嘅面頭都沈左啲鹹蛋黃粉，不過就同我想像中嘅鹹蛋黃炸雞鎚有少少出入，雖然都有鹹蛋黃味，不過就唔係均勻咁樣片布係成隻雞鎚入面，而係用每隻面頭嘅鹹蛋黃粉調味🤍朱古力布朗尼伴雪糕Brownie味道偏甜少少，不過配埋雲呢拿雪糕食就感覺反而啱啱好，佢嘅份量唔算好多，可以一人叫一份甜品都得🤣💰人均消費：約$200📍九龍太子白楊街15-19號萬安大樓地下及一樓