Homeland (東昌街) (已結業)

最近我係大埔食咗間高質西餐廳，想介紹比大家。我同朋友叫咗兩個1人餐，每個最低$148，配有餐湯/沙律、主菜同飲品。前菜方面，我哋嗌咗一個慢煮雞胸凱撒沙律同精選餐湯。沙律菜非常新鮮，沙律醬足夠，另外仲有麵包粒。雞胸肉份量多，唔會好齊。今日供應左羅宋湯，酸酸甜甜，好開胃。第一個主菜我哋叫咗63°c溫泉蛋卡邦尼意粉。意粉質地好特別，比較粗身，同埋有咬口。卡邦尼醬汁好香濃，較杰身，所以麵條可以沾滿，淡淡都好有味。溫泉蛋都整得好好，流心狀態啱啱好。另外，我哋就叫做伊比利亞豬肩肉薯菜。伊比利亞豬肩肉煮到八成熟，肉質粉嫩，好滑。薯蓉好滑，有好香嘅牛奶味。另外蔬菜有翠玉瓜同甘筍，翠玉瓜好Juicy ！咁我哋仲叫咗份小食，叫咗柚子炸雞翼。雞翼有六大隻，隻隻都炸到金黃色，外脆內軟，雞翼肉質嫩滑。有子醬都比多好多，好甜，好開胃。飲品方面，跟餐叫特飲有半價優惠！Oreo曲奇奶蓋飲落有啲似麥旋風！Oreo奶蓋味道濃郁，底下有牛奶，撈勻咗之後就啱啱好。海鹽抹茶奶蓋而抹茶奶蓋味道甜甜地、甘甘地，表面仲有海鹽粒，所以帶有少少鹹味，味道特別，同牛奶撈勻咗之後就會冇咁甜。