影片
更多
2023-04-07
54 瀏覽
💁♀️💁♂️ 4/4/2023(Tue), Dinner🍽最近，大埔墟開咗間橙色門面既台式餐廳，裝修光猛舒服，橙色既主調俾人好sharp既感覺。正好為食妙妙同A先生今晚想食台灣野，一於去試試新餐廳哥哥添飯•妹妹泡茶，繼續去試勻大埔美食先😋😋😋。而今晚我地order咗：🔆 麻辣牛腱肉牛筋麵🍜（$82）湯底色澤深沉，入口牛骨味濃而順喉，我地選擇咗麻辣更添一份刺激感。麻辣既程度輕微，算係一般人都接受到既麻辣度。配料有三大件厚切既牛腱肉、兩大件牛筋、半隻溏心蛋🥚、酸菜、蟲草花，份量十足。牛腱肉炆得夠淋而又入味，但又唔會過分地淋到筷子🥢都夾唔到，用牙輕輕一咬就可以咬開，肉質帶膠質而不黐牙；牛筋同樣地炆得入味，淋滑而唔會夾唔起；溏心蛋🥚入味；酸菜係正宗台式牛肉麵既重要配菜之一，外面唔係間間都有提供，拌勻入湯底之後加添一陣酸味，令味道多一個層次。🔆 養生花雕醉雞乾拌麵🐔🍜（$59）醉雞🐔好入味，即使係厚肉既部位都入到味，花雕味香再加上當歸等既藥材味，再帶少少甜味，入口嫩滑。呢個菜式同樣跟半隻溏心蛋🥚，蛋白滑得來又入味。乾拌麵🍜沒有預先調味，正好將醉雞汁倒入去，拌勻麵條來吃，麵條掛着醉雞汁既香甜味道，
💁♀️💁♂️ 4/4/2023(Tue), Dinner🍽
最近，大埔墟開咗間橙色門面既台式餐廳，裝修光猛舒服，橙色既主調俾人好sharp既感覺。正好為食妙妙同A先生今晚想食台灣野，一於去試試新餐廳哥哥添飯•妹妹泡茶，繼續去試勻大埔美食先😋😋😋。
而今晚我地order咗：
🔆 麻辣牛腱肉牛筋麵🍜（$82）
湯底色澤深沉，入口牛骨味濃而順喉，我地選擇咗麻辣更添一份刺激感。麻辣既程度輕微，算係一般人都接受到既麻辣度。
配料有三大件厚切既牛腱肉、兩大件牛筋、半隻溏心蛋🥚、酸菜、蟲草花，份量十足。牛腱肉炆得夠淋而又入味，但又唔會過分地淋到筷子🥢都夾唔到，用牙輕輕一咬就可以咬開，肉質帶膠質而不黐牙；牛筋同樣地炆得入味，淋滑而唔會夾唔起；溏心蛋🥚入味；酸菜係正宗台式牛肉麵既重要配菜之一，外面唔係間間都有提供，拌勻入湯底之後加添一陣酸味，令味道多一個層次。
🔆 養生花雕醉雞乾拌麵🐔🍜（$59）醉雞🐔好入味，即使係厚肉既部位都入到味，花雕味香再加上當歸等既藥材味，再帶少少甜味，入口嫩滑。呢個菜式同樣跟半隻溏心蛋🥚，蛋白滑得來又入味。
乾拌麵🍜沒有預先調味，正好將醉雞汁倒入去，拌勻麵條來吃，麵條掛着醉雞汁既香甜味道，就咁已經好好食。
🔆 甘香西柚百香果氣泡茶（跟餐+$25）
大大杯既台式飲品，材料都同樣十足，有柚子肉、椰果、橙🍊同青檸，百香果味同西柚味都好配合，甜度剛好，飲落清新解膩。
🔆 有時候想喝紅豆🫘烏龍奶茶（跟餐+$18）
對放紅豆🫘控A先生嚟講，都唔係“有時候”想喝，係總之見到有紅豆🫘既食物/飲品就想食想飲。同樣都係大大杯，飲落有醇厚既烏龍茶味，配合香甜軟糯既紅豆🫘，即使咁大杯都好快飲晒。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤❤(5/5)
❤🙆♀️(為食妙妙)整體食評：❤❤❤❤❤(5/5)
👉🏻 味道夠台式，見到格離枱叫左個魯肉丼飯，大大碗好似都好好食咁🤤🤤🤤，下次再黎試下先得😋😋😋
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 餐廳附近有幾個錶位場🅿️，錶位數量都唔少，等一陣通常都好快有位
👉🏻 就算唔揸車🚗，搭港鐵由大埔墟站行過嚟都係10分鐘左右；出面廣福道有大量巴士、小巴去全港各區
🔆🔆🔆🔆🔆🔆🔆🔆🔆🔆🔆🔆🔆
張貼
