Noc Noc

營業中

休息中

呢間餐廳位置比較格涉，K12落車其實直行一段路去到以前番滿門嘅位轉右入去條街就係，其實唔算遠，但係難d 發現。雖然唔係旺位，不過餐廳食物、環境確實唔錯，第一次去到一間餐廳係有淡淡香薰味～仲有d 燈光、座位都好舒服～仲可以睇波同埋呢度嘅staff好細心！話說個staff 見隔離檯有個小朋友，好細心提醒水牛城雞翼會辣，仲拎d汁比小朋友試下食唔食到！超級貼心！！牛油果雞肉意粉 $98牛油果意粉都幾特別，好creamy濃郁但係唔會覺得膩，意粉有口感，夾埋牛油果一齊食更加creamy～成個汁有牛油果同淡淡蒜味好夾好香！雞肉份量都ok而且冇咩雪味，唔孩口～肉眼牛扒 $268牛扒點左5成熟。肉眼扒比西冷肉質較軟，食落嫩滑d。呢件西冷整體牛肉味都幾濃，個汁做到調味效果又唔會搶走牛肉本身嘅味道。有dd 可惜嘅係件牛扒以筋位做分界，有一半係好嫩滑嘅西冷，但係另一半就似豬扒質感，有d 硬同孩口，不過成塊都keep到5成熟同濃牛肉味，整體都好味！牛扒嘅配菜意想不到咁出色！番茄汁燜焗蔬菜，蔬菜種類都幾豐富，有脆肉瓜、茄子、粟米心等等，加上番茄煮嘅醬汁，好fresh又好夠味。隔離d 薯角先出色！薯角係新鮮薯仔現炸