郭仔記粥麵專家

營業中

休息中

係大埔住既人都會知道有郭仔記呢一間車仔麵店，多年老店重要平靚正！環境簡單的設計，但是不會感覺污濁，所以感覺良好。車仔麵，魚蛋，燒賣，腸粉加杯豆漿，係細細個既童年回應，個個都食過車仔麵材料多款選擇，樣樣都好！！！車仔麵的醬汁濃郁，加上麵條唔係便宜貨，麵條有口感，啖啖食落去都好完美。魚蛋係經典的陳皮魚蛋，爽口彈牙。燒賣係魚肉燒賣，有煙韌的口感，加上魚味肉香，蘸點豉油、辣椒油，閒閒地吃十粒八粒絕對沒有問題。腸粉粉薄、味鮮、爽滑的，加埋甜醬，花生醬，豉油，配給一流！！！！加上濃濃的香味的凍豆漿，一整個套餐的感覺有如小時候的感覺。