影片
更多
2024-02-06
225 瀏覽
走到由學校改建而成嘅大埔藝術中心，感受一下藝術氣息，順道揾間餐廳晚餐。相隔對面嘅大埔超級城都只係一條街，食肆林立，照常理都會走過去揾食，但原來呢度有間幾隱世又大間嘅意式西餐廳。「Pentola」環境寬敞，樓底高，工業風設計，loft吊燈，黑色金屬半開放式廚房，紅磚同水泥間隔鋪成牆身，配泥黃色布椅，粗獷又帶點溫馨氛圍。一坐低先奉上意大利Focaccia麵包配橄欖油同黑醋。店員親切有禮，細心為我哋介紹，晚市二人套餐已包2碗餐湯、3款前菜、2款主菜、2杯茶或可樂，可升級飲品及加配甜品，加$98更可無限暢飲，性價比高。𝑺𝒆𝒕 𝒅𝒊𝒏𝒏𝒆𝒓 𝒇𝒐𝒓 𝟐 $398𝑆𝑜𝑢𝑝 𝑜𝑓 𝑡ℎ𝑒 𝑑𝑎𝑦⊛ 番茄濃湯啖啖番茄蓉，好似飲緊成個番茄咁，番茄味濃郁，鍾意佢酸酸哋，撒上餐廳自家製嘅香草。𝐴𝑝𝑝𝑒𝑡𝑖𝑧𝑒𝑟⊛ 白鯷魚茄子蓉多士 (2件)係冷盤，一入口都幾有驚喜，白鯷魚醃得鹹香，茄子蓉軟綿綿好fresh，配脆多士一齊食，口味層次豐富。⊛ 地中海風味烤多春魚 (2件)首次食呢種煮法幾有新鮮感，烤多春魚保持到原汁原味，肉質濕潤，配酸豆、塔賈斯卡橄欖，意大利番茜、滲出橄欖油香，加少少青檸汁提味，真係feel到地
一坐低先奉上意大利Focaccia麵包配橄欖油同黑醋。店員親切有禮，細心為我哋介紹，晚市二人套餐已包2碗餐湯、3款前菜、2款主菜、2杯茶或可樂，可升級飲品及加配甜品，加$98更可無限暢飲，性價比高。
番茄濃湯
27 瀏覽
0 讚好
0 留言
𝑆𝑜𝑢𝑝 𝑜𝑓 𝑡ℎ𝑒 𝑑𝑎𝑦
⊛ 番茄濃湯
啖啖番茄蓉，好似飲緊成個番茄咁，番茄味濃郁，鍾意佢酸酸哋，撒上餐廳自家製嘅香草。
白鯷魚茄子蓉多士
7 瀏覽
0 讚好
0 留言
⊛ 白鯷魚茄子蓉多士 (2件)
係冷盤，一入口都幾有驚喜，白鯷魚醃得鹹香，茄子蓉軟綿綿好fresh，配脆多士一齊食，口味層次豐富。
地中海風味烤多春魚
3 瀏覽
0 讚好
0 留言
首次食呢種煮法幾有新鮮感，烤多春魚保持到原汁原味，肉質濕潤，配酸豆、塔賈斯卡橄欖，意大利番茜、滲出橄欖油香，加少少青檸汁提味，真係feel到地中海風味。
意大利風乾火腿拼盤
4 瀏覽
0 讚好
0 留言
有24個月Parma ham、Coppa ham同莎樂美腸，鹹香風味配提子一齊食好match。難得 2人餐都提供3款前菜，等我哋可以試多啲款式。
炭烤安格斯封門柳配燒汁薯條
13 瀏覽
0 讚好
0 留言
⊛ 炭烤安格斯封門柳配燒汁薯條 +$90
封門柳切片上，表面微焦淋上燒汁，中間保持粉紅色，肉質軟嫩又帶點嚼勁，陣陣炭燒味，牛味濃郁。薯條新鮮即炸熱辣辣，外脆內軟，咬開散出濃郁薯仔香氣。
新鮮波士頓龍蝦意粉
3 瀏覽
0 讚好
0 留言
開邊龍蝦新鮮多膏，鉗已起肉，肉質鮮甜彈牙。呢個手工意粉質地一流，煮嘅時間控制得剛好，係好鍾意嘅較硬身al dente口感，掛汁力強，醬汁用番茄同龍蝦汁煮成，龍蝦味濃郁好creamy。
17 瀏覽
0 讚好
0 留言
⊛ 𝑇𝑒𝑎 𝑜𝑓 𝑡ℎ𝑒 𝑑𝑎𝑦
是日精選係桂花茶，店員介紹我飲熱飲，都幾大杯，熱熱蒸氣向上升，聞到陣陣桂花香氣，係桂花加紅茶加烏龍，微甜，天氣凍冰冰飲杯熱飲暖胃，好舒服。
𝑈𝑗𝑖 𝑚𝑎𝑡𝑐ℎ𝑎 𝑙𝑎𝑡𝑡𝑒
10 瀏覽
0 讚好
0 留言
翠綠色配白色拉花好靚，濃濃抹茶香帶點特有嘅微澀回甘味，配搭淡淡奶香，微甜，入口順滑豐厚。
新鮮青口配煙肉
1 瀏覽
0 讚好
0 留言
店員推薦呢度嘅藍青口都好唔錯，因為係每日新鮮到貨。青口肉飽滿嫩滑，個汁濃郁帶點鹹香，有橄欖油、意大利番茜、仲有粒粒風乾豬面頰肉，啖啖油脂香氣，煙熏風味持久，我直頭飲埋個汁，配酸種多士，勁脆口。
𝑀𝑦𝑠𝑡𝑖𝑐𝑎𝑙 𝑟𝑜𝑠𝑎
10 瀏覽
0 讚好
0 留言
酒杯裡飄浮著一朵紅玫瑰，賣相好浪漫。玫瑰花係洛神花茶製成嘅冰塊，慢慢溶入果汁做成橙黃色漸層效果好靚。果汁喺芒果汁、菠蘿汁加梳打調配而成，冰慢慢溶，一路mix嚟飲，果香清新，微甜。
#Pentola 地址：大埔安邦路12號大埔藝術中心地下G01-02號舖
張貼
