芝加哥串燒酒場 (太和中心)

大發現！發現大埔呢間酒吧原來同時又係一間超高質串燒店！我同朋友今日試完覺得一定要上嚟推一推！佢比起好多串燒專門店嘅燒烤技術高，食物原材料非常新鮮，而且高級。並唔係用啲燒烤調味料搭夠而係食材本身新鮮。同朋友喺度嗌咗杯酒，食吓啲串燒傾吓偈就坐咗成個夜晚。呢度大螢幕睇波一流，我哋諗住下次約埋來呢邊睇波食串燒飲酒。串燒嘅燒烤技術好高，每樣一樣都燒到啱啱好，唔會過咗火，好juicy!其中要推介燒鱔，非常之Juicy，燒牛舌都係牛肉味非常香濃，而且質感非常之軟身！