東記上海麵

營業中

休息中

今晚突然間好想去食豬扒麵，這裡當然就係我嘅首選，由以前讀書時在街市食開，到現在在這裡又可以食到以前嘅味道，而必點就係招牌炸物炸豬扒配牛腩再加埋勁道爽滑嘅上海粗麵，炸豬扒炸得非常出色，豬扒嘅炸粉好簿，唔會只係食到好厚嘅炸粉感覺，而豬扒亦唔會炸到好乾，豬扒是厚切的，而且帶點肥，所以吃起來比平常的更香，口感更嫩！整體份量好十足，以這個價錢真係好抵食，加埋炆得超軟淋嘅牛腩，牛肉香味比較濃，絕對推介！而在落單時可追加配料，分別加了炸醬同雪菜肉絲，上枱時不是放在麵上，會分開以碗上，分量十足！而朋友就點了菜飯，竹筍肉絲拼豬扒，竹筍爽口，加上同樣出色嘅炸豬扒，圍滿了整個菜飯，厚切肥美嘅豬扒，真係讓人感覺滿足！另外加了個炸雲吞，同樣炸得香脆可口，加埋個酸辣醬，絕對係必食推介！飲品跟餐可以加錢享用，兩個餐分別點冰凍檸檬茶及香滑凍鴛鴦，平時去食都比較多人，今晚因放工晚了所以不用等位，平時放假中午想食要等位就必然，但好食就要等