燚 (已結業)

呢一間隱世鐵板燒店近地鐵站 地方細細但係坐得好舒服 我哋就揀咗坐bar table可以見到廚師表演煮嘢食 今日就點咗一個午市套餐 前菜三文魚沙律 用醋打成嘅泡泡 酸酸甜甜好開胃 感覺高級之後有鐵板海鮮兩品 有台灣鮑魚大蝦 煎魚柳 鐵板肉類兩品熊本縣A5級和牛煎到好香 一啲都唔韌 牛肉味濃鬱 宮崎縣厚切黑豚扒豬肉味濃鬱 厚切啖啖肉 一啲肥肉都冇 炒飯廚師好用心機咁加上蔬菜 雞蛋等等砌成心心形狀 好浪漫 我同老公都食得好開心 最後係日式嘅甜品 紅豆班戟 厚厚地QQ地好好食 唔會太甜 呢度坐得好舒服 可以近距離見到廚師整鐵板燒 好得意 放假可以休閒地食餐鐵板燒感覺好輕鬆