明星皇宮

營業中

休息中

我哋繼續留區消費，午茶正價入座喺汀角路嗰間明星皇宮。先量度體溫後入座枱與枱之間盡量相隔都做到嘅。點心紙阿爸入，永遠都係嗌到一枱點心。比起同區酒樓佢嘅點心確實在水準同出品都係好穩定好少出事，同埋佢啲茶唔俗乾淨好飲！炸雲吞同鹹水角炸得夠透,脆口同有熱度地好食！鹹水角最後有追加多一份！燒賣,菜苗餃,鳳爪排骨飯,馬拉糕同鹹肉粽都係熱辣辣出住蒸氣咁上枱,所以佢嘅點心真係即叫即蒸,食落燙口味道不過不失！炸乳鴿都好入味,醃得好,原隻上食好滋味！皮夠脆所以最後a都有追加一人一隻！呢個係同屋企人飲茶不過不失的老地方。