Noc Noc

營業中

休息中

放工約埋大埔之友去樓下新開間bar試下，不過個日有D唔舒服，無叫酒，叫左杯chocolate smoothie，估唔到又幾得喎，唔會漏，但又飲到好香朱古力味。呢到都幾多野食揀，朋友話佢飲啤酒要叫隻豬手食下，正合我意！侍應仲好細心幫我地切埋。外皮唔算脆，但食到好香蜜糖味。我呢D重口味人士梗係唔會放過D皮同肥肉啦。豬手配埋酸菜，正好可以中和下，無咁膩。而且薯角岩岩炸起，送酒一流。另外再叫多左個芝士蝦波，炸物岩哂我。外面炸到脆卜卜，入面係彈牙蝦丸再夾住芝士係中間，小心食呀，堅辣口。但一啖一粒好過癮。估唔到除左有酒飲，野食都好得，最surprise 係唔收加一，食物價錢又合理，下次再同大埔之友encore先！