影片
更多
2020-02-29
41 瀏覽
今日早咗收工，於是決定Happy Friday。以往雖然聽朋友講大圍有好多好嘢食，但係由於返工地點唔近嘅關係，所以平日好少嚟大圍。今日呢間舖頭由大圍站A出口行過去，大概5分鐘左右，地理位置唔算話太難搵，然後就會去到今日嘅主角——風車，一間Bar & Restaurant。收工後同同事大概六點幾鐘就去到餐廳。我哋坐低就叫咗兩杯嘢飲同一個小食。呢到有Cocktail同Mocktail，可以照顧唔同朋友嘅需要。我嗌咗第一杯Mother F***er，見個名幾得意，用咗幾種Base包括Tequila，Rum，Gin同Vodka，以往去酒吧好少飲呢杯野，今日Happy Friday一於試一試佢，酒味相當濃烈，啱晒好酒之人。同事就叫咗杯Apple Mojito，佢形容個感覺係幾清新，啱晒啲唔係太好酒精嘅朋友。小食方面，我哋嗌左西班牙脆香薯棒，口感外脆內軟，再蘸少少番茄醬，作為送酒嘢，簡直一流。主菜我哋叫咗兩道菜，第一道係紙酥皮野菌三文魚卷。我個人覺得佢呢個做法係幾新鮮，將三文魚放喺酥皮入邊，其實好考驗師傅嘅功夫，要將三文魚嘅生熟程度控制得好好，我覺得師傅係呢方面係做得唔錯，三文魚食落都幾嫩滑，如果
收工後同同事大概六點幾鐘就去到餐廳。我哋坐低就叫咗兩杯嘢飲同一個小食。呢到有Cocktail同Mocktail，可以照顧唔同朋友嘅需要。
我嗌咗第一杯Mother F***er，見個名幾得意，用咗幾種Base包括Tequila，Rum，Gin同Vodka，以往去酒吧好少飲呢杯野，今日Happy Friday一於試一試佢，酒味相當濃烈，啱晒好酒之人。同事就叫咗杯Apple Mojito，佢形容個感覺係幾清新，啱晒啲唔係太好酒精嘅朋友。
小食方面，我哋嗌左西班牙脆香薯棒，口感外脆內軟，再蘸少少番茄醬，作為送酒嘢，簡直一流。
主菜我哋叫咗兩道菜，第一道係紙酥皮野菌三文魚卷。我個人覺得佢呢個做法係幾新鮮，將三文魚放喺酥皮入邊，其實好考驗師傅嘅功夫，要將三文魚嘅生熟程度控制得好好，我覺得師傅係呢方面係做得唔錯，三文魚食落都幾嫩滑，如果控制得唔好就會令到肉質太老。三文魚卷整體口感有層次，呢味嘢絕對帶到驚喜比我。另外，伴碟有啲番茄仔、西蘭花，補充返少少蔬菜，成餐飯即時健康晒！
第二道主菜，我地嗌咗法式燴羊膝，平時出面餐廳都係食羊架比較多。當見到呢間餐廳有羊膝呢味咁傳統嘅法國菜，就決定試一試佢。店員一上碟，我同同事已經嚇親，好大舊羊膝，仲有啲薯蓉墊底，伴碟有露筍同番茄仔。羊膝肉質唔會話太乾太嚡，醬汁亦幾入味，成道菜我幾滿意。
呢到絕對會係你Happy Friday嘅好去處！
張貼
