丸作食茶 (村南道)

營業中

休息中

星期日同約左係大圍出發踩單車，係大圍站附近既快餐店食完lunch 後就出發喇。經過單車店附近見到新開既台式飲品店，決定買返杯一度踩一度飲。門面幾光猛，仲可以睇到煮茶等等既機器，感覺安心。Menu 選擇多，常見既黑糖、奶蓋、拿鐵、水果茶通通都有。而呢度最特別既係佢唔同顏色既珍珠，而唔係獨沽一味黑糖珍珠。呢日見到既有黑芝麻珍珠同仙人掌珍珠，鍾意試新野既朋友可以試試喔。經過一輪討論，我揀左宇治抹茶白玉抹茶同鮮奶做左個漸層，睇到抹茶顏色就知好足料，飲落抹茶味幾濃，白玉口感岩岩好，煙韌。朋友揀左黑糖珍珠鮮奶，佢話飲得出好濃鮮奶味，而珍珠係暖而有黑糖味。