影片
更多
2022-06-11
1669 瀏覽
呢日朋友要去大圍交收園藝用品，已經有一段時間冇入過嚟大圍，決定喺附近搵野食，遇啱落大雨，就睇吓火車站附近有咩嘢食，離遠望到《新強記》啲紅燈籠，入去食返隻乳鴿同碗雞粥懷緬一吓都好喎～ 🥸一入酒樓，嘩～～～ 細個同屋企人食飯、讀書時同宿友宵夜嘅回憶湧晒出嚟～🤓酒樓保留住舊時嘅裝修牆壁一大幅桂林象山山水畫鋪滿紅色紙皮石嘅大圓柱收銀處仲保留住舊式嘅大玻璃酒櫃(好似去咗博物館咁🤭）懷緬一番後，點菜醫肚先🔸金牌燒乳鴿肉嫰juicy，皮香味濃，基本上唔使再點華鹽水準保持得好好不愧多年來長佔推介菜式名單之上 🏅可以點原隻、一開二，或者一開四上碟～🔸椒鹽九肚魚炸漿香脆、薄身魚肉嫰滑，炸得香口就咁食又得，點一點配附嘅醋食又得加埋炸蒜夠哂惹味～🔸金銀蛋浸時蔬時蔬係莧菜，幼嫰無渣鹹蛋、皮蛋同肉碎足料個上湯底夠哂味，就咁飲都好好味呢三樣餸食到差唔多先至叫侍應上埋個粥，想滾熱辣咁食嘛～🔸沙田新強記雞粥(例牌)原本以為例牌係一大碗，原來都成窩咁上喎！份量比預期多 （真係好耐冇嚟喇～）至於味道呢～～～ 保持到記憶中沙田雞粥嗰份美味雞件有咬感👍🏻 雞油令到個粥更加香滑仲有蔥香味同薑味食得開心又滿足 ☺️食完飯仲有”綠豆沙
一入酒樓，嘩～～～ 細個同屋企人食飯、讀書時同宿友宵夜嘅回憶湧晒出嚟～🤓
酒樓保留住舊時嘅裝修
牆壁一大幅桂林象山山水畫
鋪滿紅色紙皮石嘅大圓柱
收銀處仲保留住舊式嘅大玻璃酒櫃(好似去咗博物館咁🤭）
懷緬一番後，點菜醫肚先
🔸金牌燒乳鴿
肉嫰juicy，皮香味濃，基本上唔使再點華鹽
水準保持得好好
不愧多年來長佔推介菜式名單之上 🏅
可以點原隻、一開二，或者一開四上碟～
🔸椒鹽九肚魚
炸漿香脆、薄身
魚肉嫰滑，炸得香口
就咁食又得，點一點配附嘅醋食又得
加埋炸蒜夠哂惹味～
🔸金銀蛋浸時蔬
時蔬係莧菜，幼嫰無渣
鹹蛋、皮蛋同肉碎足料
個上湯底夠哂味，就咁飲都好好味
呢三樣餸食到差唔多先至叫侍應上埋個粥，想滾熱辣咁食嘛～
🔸沙田新強記雞粥(例牌)
原本以為例牌係一大碗，原來都成窩咁上喎！
份量比預期多 （真係好耐冇嚟喇～）
至於味道呢～～～ 保持到記憶中沙田雞粥嗰份美味
雞件有咬感👍🏻
雞油令到個粥更加香滑
仲有蔥香味同薑味
食得開心又滿足 ☺️
食完飯仲有”綠豆沙”送，係甜咗少少嘅，不過，鍾意佢落足料，又落咗啲米米，口感好豐富～～～ 食完啱啱好填飽埋我個甜品胃😌
p.s. 要讚吓，呢到啲店員姐姐好nice，上菜收碟都好有禮貌；酒樓嘅環境亦非常寬敞，樓底夠哂高，枱同枱之間嘅距離亦都非常足夠，夠晒位俾姐姐推住車仔上菜！
另外，用膳期間，睇到隔離枱嘅”生滾水蟹粥”好吸引，下次再嚟要試試🦀，仲想叫埋屋企人一齊嚟，試返隻馳名燒鵝同幾個家常小菜：小炒皇、脆皮炸大腸、薑蔥焗桶蠔～ 😋
張貼
