風車

營業中

休息中

因為大圍而家開咗新嘅商場，所以今次同朋友一齊行街。碰巧遇到一間隱世西餐舖，見到價錢都幾抵食，所以去試吓。總體來講我地覺得環境坐得幾舒服，坐耐啲都冇問題，嘢食抵食兼大份！南瓜湯南瓜湯入面有綿密既南瓜蓉 鹹鹹甜甜 隔離塊蒜蓉多士脆得黎唔硬豬扒包抵食夾大件 包上面仲有加黑白芝麻提升香氣 薯條食到最後仲係脆既 沙律菜配黑醋清新開胃。同朋友一人一半份量就啱啱好啦。牛脷配意粉平時食開嘅牛脷，好多時煮得唔好就會好難咬。但係呢一間整得好林又入味，配上佢哋嘅秘製醬汁好好味。而且份量都好多有成五六塊，唯一美中不足嘅係意粉煮得有少少硬，如果再軟身少少就好啦！焦糖咖啡嗌佢哋嘅lunch set可以加$15就可以升級做特飲。今次就嗌咗焦糖咖啡，咖啡味好香，上面嘅奶泡都打得幾綿密，雖然係焦糖咖啡，但係飲落嘅甜度都啱啱好，飲咖啡最驚佢太甜。