漢年茶餐廳

營業中

休息中

到大圍做事，唔想Lunch又係飲茶，先上Openrice做下工課，見到呢間漢年淨係得笑臉，加上雞是我的至愛食物，一早鎖定是日Lunch地點。去到未夠一點，都冇咩位淨，我岩岩好揾到2個位，因為之後諗住再揾野食，所以坐低叫左一碟雞焗雞飯2份食，冇叫炒底，因為我覺得配白飯先至係最夾。有壺茶係枱面，自動波洗下碗同杯，又幾好喎，茶餐廳都有壺茶擺係枱，心諗唔知係咪要收茶錢呢?後來，發覺又冇喎。好快，碟飯上枱，雞好黃油喎，裝碗飯食先，因為我係食白飯先，但飯己經有少少鹽焗雞香味而且咸咸地喎，正。再食雞，我係連皮食的，好滑幾香帶有少少雞味，雞就肥左少少。飯份量唔多，細食就夠，大食可能唔太飽。埋單$31。