風車

營業中

休息中

大圍風車西餐廳，我覺得係附近比較有質素嘅西餐廳，餐廳入面地方闊落環境又舒服，食完嘢坐吓傾吓偈係一個唔錯嘅選擇。而且位置都幾近大圍火車站，我行過去大約六至7分鐘左右就到。今日我哋嚟食午餐，我哋叫咗一個午餐嘅風車雜扒飯，加配雞翼，一個藍芝士留心牛肉漢堡，同埋兩杯凍咖啡。首先講吓個雜扒飯，係一個非常豐富嘅飯，有牛仔骨、香茅豬扒、煙肉、咖喱腸菜配埋個飯，雜扒餐一聽就知係好多肉，但係呢個炸扒餐嘅肉質素一啲都唔差，肉質豐富而且肉味香濃，第一次食咖喱腸又幾好食，再配埋三隻雞翼成個餐係相當豐富，另一個係藍芝士流心牛肉漢堡，一啖咬落去真係流心嘅，而且芝士嘅味係特別香濃，漢堡包大大個得來又相當好味。