影片
更多
2022-03-30
262 瀏覽
今日帶大家黎大圍掃街！街坊朋友半年前推薦嘅老字號——華輝小食，小編終於捨得去食了，食左兩淡後第一個反應係，果然係大圍名物！🌟甫度步就見店外有頗多人等外賣，加上製作食物需時，我地等左大概15分鐘先take到away，以為終於走得，點知收銀姨姨係手忙腳亂下比錯飯送我地，原本我地個盒又比另一位客人拎走左，無奈地又要等佢重新煮過，服務質素方面小失望。💁🏻♀️手撕雞飯(中辣) $45一打開飯盒就見到鋪滿白芝麻嘅金黃色手撕雞，撲鼻而來嘅麻油同辣油令人垂涎三尺，食指大動。對食開譚仔三哥中辣嘅小編而言，華輝嘅中辣真係難以駕馭，食左1/4已經流曬鼻水，但又辣得好過癮。如果三個嘅中辣係辣到痺，華輝嘅中辣簡直係辣到跳舞。幸好飯嘅份量夠多，同有甜嘅罐裝飲品坐鎮，辣味好快退。另外大部分手撕雞肉質鮮嫩，辣味唔會蓋過雞味，且份量多。整體而言，有挑戰性得黎又幾惹味，中意食辣嘅朋友可以試下！💁🏻♀️香辣雞翼尖(中辣) $25冷冰冰嘅雞翼尖，配上辣到噴火嘅辣椒油，冰火二重奏，幾刺激。雖然冰感已減輕了辣味帶來嘅麻痹感，但食左幾隻就感受到熊熊烈火直逼喉嚨，所以要不斷地食下停下再食。雞翼尖頗大隻，肉質飽滿。相較於熱嘅雞翼尖，
今日帶大家黎大圍掃街！街坊朋友半年前推薦嘅老字號——華輝小食，小編終於捨得去食了，食左兩淡後第一個反應係，果然係大圍名物！
🌟甫度步就見店外有頗多人等外賣，加上製作食物需時，我地等左大概15分鐘先take到away，以為終於走得，點知收銀姨姨係手忙腳亂下比錯飯送我地，原本我地個盒又比另一位客人拎走左，無奈地又要等佢重新煮過，服務質素方面小失望。
💁🏻♀️手撕雞飯(中辣) $45
一打開飯盒就見到鋪滿白芝麻嘅金黃色手撕雞，撲鼻而來嘅麻油同辣油令人垂涎三尺，食指大動。對食開譚仔三哥中辣嘅小編而言，華輝嘅中辣真係難以駕馭，食左1/4已經流曬鼻水，但又辣得好過癮。如果三個嘅中辣係辣到痺，華輝嘅中辣簡直係辣到跳舞。幸好飯嘅份量夠多，同有甜嘅罐裝飲品坐鎮，辣味好快退。另外大部分手撕雞肉質鮮嫩，辣味唔會蓋過雞味，且份量多。整體而言，有挑戰性得黎又幾惹味，中意食辣嘅朋友可以試下！
💁🏻♀️香辣雞翼尖(中辣) $25
冷冰冰嘅雞翼尖，配上辣到噴火嘅辣椒油，冰火二重奏，幾刺激。雖然冰感已減輕了辣味帶來嘅麻痹感，但食左幾隻就感受到熊熊烈火直逼喉嚨，所以要不斷地食下停下再食。雞翼尖頗大隻，肉質飽滿。相較於熱嘅雞翼尖，凍嘅肉質更結實彈牙，口感更爽脆，有點驚喜。
💁🏻♀️混醬豬腸粉 $10
腸粉口感幼滑，且帶有韌性，層與層間亦唔會黏埋一夠，造工唔錯。沾上甜醬、芝麻醬、辣醬(俗稱混醬)食，滑溜感更上一層樓，令人食過不停。食完辣點食番啲甜點，更有解辣作用。
華輝小食不愧係大圍掃街必食小店。雖然賣相普通，服務質素差，但味道特別，份量十足，食完大快朵頤，且價錢亦合理，退而求其次，整體而言都係值得推薦！
😍整體評分
味道：🌟🌟🌟🌟
價錢：🌟🌟🌟🌟🌟
環境：🌟🌟
服務態度：🌟🌟
instagrammable：🌟🌟
——————————————————————
華輝小食 (大圍)
大圍積福街積壽里4D號地舖
張貼
