極尚大喜屋 (加連威老道) (已結業)

放題，我一向都冇乜大興趣，因為好多放題都係求重量不重質！而以下呢間極尚大喜屋佢以前食過有品質，於是我就提早一兩個星期book咗5:30尖沙咀大喜屋！地點位於the one旁邊，好方便！我見到餐紙上有好多款揀，刺身，壽司，卷物，一品料理，燒物，甜品，飲品，沙律等，令你食指大動！因為上次去食日式燒烤食得不夠盡興，而且逐碟叫價錢貴，所以我今次以熟食為主！冷盤有刺身：希靈魚，帶子，象拔蚌，北寄貝等，好鮮甜！仲要食左兩轉壽司有火炙蒲燒鰻魚，牛油燒帆立貝，帝王蟹棒黃金燒，芝士燒玉子等，味道不輸俾一般日式料理餐廳！到我最愛燒物，我差不多樣樣都點，芝麻炸雞翼，羊架，秋葵，波蘿，蝦同一口牛等，做得好出色，食左幾轉也不厭！最後值得一贊係煲霸王花豬骨湯，個湯好甜，我一個人飲左三碗甘多！食埋杯雪榚，每人埋三百有找！