韓樂 (海之戀商場)

營業中

休息中

韓樂身處於海之戀呢個新建商場，價錢相當親民，下午茶連飲品3、40蚊有交易，唔收加一，實在無得要求太高，難怪成日都要等位。韓樂近年係咁開分店，說白了其實就係一間韓風茶餐廳，係幾有新鮮感，起碼有得食粉絲同韓式炸雞呢類係一般茶記比較難食到既食物。呢度既食物普遍都有個問題，就係太鹹。無論係牛肉湯粉絲定係牛肉炒粉絲都係過鹹，口味過重。鐘意清淡既人士應該未必岩食。再者，呢度飲品就算叫左少冰，都係一樣比好多冰。韓式炸雞就微辣，味道正常，炸粉略厚同雞皮多過雞肉，間唔中過下口癮都可以既。總括而言，特登過黎食就無必要喇，如果係附近諗唔到食咩，又想平平地坐得舒服既就可以一戰。