寶字號刀削麵

營業中

休息中

位於荃灣兆和街, 個紅招牌好搶眼嘅呢間寶字號刀削麵, 主打刀削麵, 除了湯麵外, 還有拌麵及炒麵, 另外還有多款小食及串燒, 仲有多款單人雙人套餐, 有辣有不辣, 價錢合理。 鋪頭裝修簡單, 座位好闊落, 以卡位為主, 用QR code 落單, 超方便。招牌豬頸肉刀削麵 - $52上枱已經嘩嘩聲, 真係好大碗! 豬頸肉油脂分佈均勻, 口感嫩滑, 煎香後帶有微微嘅焦香和油脂香氣; 刀削麵厚實, 滑捋捋而且煙韌, 又有嚼勁, 湯頭鮮甜濃郁, 刀削麵吸收湯汁嘅味道, 味道層次豐富。辣椒肉片炒刀削麵 (配小食及飲品)- $79炒刀削麵份量特別多, 炒出嚟香辣又好彈牙; 青椒帶椒香, 肉質鮮香嫩滑, 配上煙煙韌韌刀削麵, 微辣, 特別香, 勁有鑊氣。炸雞粒雞粒炸至金黃酥脆, 內裡肉質鮮嫩多汁, 鹹鹹地, 味道可口; 跟餐配埋真係抵食呀!和牛肉鍋貼 - $49外皮煎得金黃香脆, 牛味都幾香, 咬落去肉汁, 入面仲包左粟米, 蔥油木耳; 和牛鍋貼有5件, 好正！飲品兩款刀削面都配左一杯飲品, 我地揀咗凍檸茶，凍檸水。