達摩堂

營業中

休息中

見到IG foodie 推薦呢間餐廳，本身滿心歡喜去試，入到嚟除咗達摩裝潢好靚之外，其餘冇一樣嘢係合格🥲我哋三個人主要嗌佢餐牌上面嘅神石燒，其中最貴嘅鹿兒島A4和牛眼盛惠$328，嚟到嘅時候得四小塊，兼且油脂分布非常唔均勻，燒完入口只係大概街市牛肉嘅質素，口感偏鞋。我另外嘅朋友嗌咗豚肉同埋西冷牛肉嘅用料，亦都唔係上乘質素。另外呢間餐廳嘅服務亦非常奇怪，我哋嗌職員幫手換神石燒嗰個燃料嘅時候竟然要求客人自己幫手換，實在係有啲唔明白😅整體嚟講，就算你係達摩fans，我都一律唔建議大家入嚟食，以呢個價錢同埋質素，絕對有更好嘅選擇。