達摩堂

同朋友去咗旺角呢間「達摩」，一入店就感覺好似去咗日本！達摩主題日式餐廳•日系風格裝修🇯🇵設有達摩神台、打卡牆及窗外街景打卡一流達摩公仔擺設，成個環境好有feel～二人前壽喜燒套餐由頭到尾都咁正！🐙【醬漬螢光魷魚】鹹鹹哋又鮮味，魷魚爆膏嘅口感好正，送酒一流！🔥【辣味帶子裙邊】帶點微辣，食落爽口，好開胃🐖【豚肉盛盒三款】✨麥小町豚腩片 - 油花好靚，輕輕一灼就食得，豚味好香✨宮崎米豚里脊肉 - 肉質超嫩，食落有淡淡米香✨伊比利亞黑豚梅花肉 - 高級黑豚肉，有淡淡果仁香，好特別🥬【蔬菜盛合】日本大蔥超甜，豆腐索晒湯汁好入味🧀【芝士吉列豬扒】外皮炸得好脆，入面芝士流心，邪惡但好好味！🍜【稻庭烏冬】滑溜嘅烏冬掛滿壽喜燒汁，加隻蛋一齊食完美🍍【沖繩海鹽菠蘿梳打】菠蘿味清新，海鹽帶出甜味，好解膩🍇【特調巨峰提子梳打】提子味好濃，仲有果肉係入面🎂【北海道抹茶蛋糕】抹茶味香濃，唔會太甜，完美結尾🩷甜品碟上寫上祝福字句，仲會有神秘木箱，儀式感瞬間滿滿🎎 🥨全港首推日式生日祝福畫碟服務需提前預訂三款豚肉各有特色，由濃味到清香一次過試晒，呢間真係會想再encore！建議大家記得book位啊～👘…Read More

下個月就係女女👧🏻生日啦，佢成日都同我地講，好想Elsa陪佢過生日❤ 專登帶佢黎達摩堂體驗🎎🪭日式生日祝福畫碟服務，有齊驚喜生日禮盒🎁、免費生日寫字、即影即有相📸、達摩小禮品。生日畫碟係佢最愛嘅Elsa、Olaf🩵🤍之前帶佢黎過呢度食嘢，佢已經好鍾意門口達摩打卡墻嘅佈置啦！🪭達摩壽喜燒二人前套餐漬物～ 辣味帶子裙邊、醬漬螢光魷魚開胃小菜，帶子裙邊爽口，熒光魷魚鮮甜。 🐮牛肉盛盒～宮崎A5黑毛和牛友三角三款唔同牛肉部位，油脂分佈好靚，先用牛油煮熱個鍋，然後再放和牛、牛舌，唔使另外再蘸醬已經好入味，肉味濃郁，再落少少壽喜燒汁煮熟，將蛋黃攪勻，肉嘅口感更滑！🥬蔬菜盛合有齊娃娃菜、豆腐、皇帝菜、京蔥、甘筍、冬菇、本菇、金菇，加入鰹魚湯汁一齊煮熟，嗦晒啲湯汁，好濃味！最後落埋稻庭烏冬收汁，烏冬口感滑身！小食~明太子雞翼🐔雞翼去骨，釀入明太子，好香口，外皮焦脆，再加上木魚絲，增添香氣！沖繩海鹽菠蘿梳打🍹清爽開胃，帶點鹹鹹甜甜嘅味道。特調巨峰提子梳打🍹清新透心涼嘅一杯飲品，唔會太甜。北海道抹茶蛋糕🍰呢個係畫碟甜品，上碟前，記得要拎定電話，職員會幫我地點火，一層好薄嘅紙瞬間燒盡，為我地解開神秘嘅一面！小朋友最驚喜啦！就好似Elsa施展魔法咁，瞬間出現，慶祝生日、紀念日黎講，真係好正！職員拎即影即有相機出黎，幫我地影低最溫馨嘅時候❤抹茶蛋糕嘅味道，獨有嘅抹茶苦澀味，再到中間cream嘅順滑，蛋糕綿密嘅口感。…Read More

同好朋友慶祝生日🎂，揀咗呢間達摩主題嘅日式餐廳！提前訂位安排左甜品畫碟，壽星女見到個甜品生日禮盒🎁好驚喜！開心到尖叫，仲有即影即有相片留念，氣氛滿分～門口仲有達摩神台同打卡牆，可以寫願望掛上去許願，好有心思🎋食物質素真心高，連飲品都好靚好打卡able，絕對係慶祝之選🥳—*—*—*—*—*—*—*—*—*—*—*—*🔶達摩壽喜燒二人前◼️牛肉盛盒 ：宮崎A5和牛友三角/ 牛板腱/ 牛舌和牛油脂分布好靚，輕輕一燒再加入壽喜燒汁，點埋生蛋汁食更滑，濃郁牛香入口即化嘅感覺真係超正！◼️漬物：醬漬螢光魷魚 &辣味帶子裙邊◼️小食：櫻花虎蝦天婦羅🍤櫻花蝦外層炸到好脆好香唔油膩，虎蝦肉爽彈，超好食👍🏻◼️蔬菜盛盒◼️稻庭烏冬食完牛放入蔬菜加上鰹魚湯煮滾，再食埋個煙靭嘅烏冬超滿足！🔶甲羅燒三味好足料呀！撈勻鵪鶉蛋同蟹肉燒，一路燒已經聞到好香，蟹膏味濃郁， 鹹香惹味！🔶北海道抹茶蛋糕🍰畫碟公仔好靚，抹茶味濃香而不苦，口感軟綿。🔶富士雲魅🗻- 椰青水、蝶豆花、奶蓋🔶淡雪之莓 🍓-士多啤梨、鮮奶、蝶豆花、奶蓋兩杯飲品都好靚，杯富士雲魅仲有著燈，打卡必點！—*—*—*—*—*—*—*—*—*—*—*—*營業時間：星期五、六：12:00- 00:00 ▶️9點後正價餐牌79折所有酒水都有買一送一星期日至四：12:00-22:00▶️12:00-16:00 午市正價餐牌有79折▶️午市套餐有買四送一優惠▶️午市單點及壽喜燒/朴葉燒套餐79折…Read More

係社交平台見到呢間餐廳～生日畫碟真係驚艷到我🤩餐廳用達摩做主題🎏 入面裝修都幾靚坐得都算闊落 不過建議book位先有卡位🤟🏻食咗2人餐 都夠飽 朋友都鍾意🥰🍴2人餐 （$388）📍前菜：韓式泡菜 + 醬漬螢光魷魚泡菜爽脆，酸度同辣度平衡得啱啱好👍🏻仲帶點蒜香，開胃一流！魷魚爽口彈牙🦑啖啖肉 唯一覺得醬汁略為濃咗d 食多兩啖會略為膩🥹📍湯品：蜆肉蛋花味噌湯鮮甜嘅蜆味即刻爆發～～蜆肉夠肥美，蛋花幼滑😍湯底濃而不鹹不過蜆肉份量可以再多啲 飲完有啲意猶未盡😂📍小食：芝士吉列豬扒 （+$18）外層炸得金黃酥脆 切開咗見到好多芝士🧀豬扒厚實多汁，味道層次好豐富～一啖咬落去嘅時候係好拉絲🤩🫶🏻炸皮都唔會好厚🔥但係記得趁熱食📍主食：安格斯壽喜鍋（+$48）牛肉片嫩滑多汁🐮吸晒甜鹹嘅壽喜燒醬汁配菜有冬菇、金菇、南瓜、豆腐、粉絲..佢嘅湯底濃郁又唔會太甜，仲可以加蛋漿🥚牛肉份量適中！但食肉獸可能要加單點😹📍主食：宮崎A4和牛丼（+$68）當晚嘅MVP👑 和牛真係入口即化、紋路都好靚😍配上微甜嘅醬汁同半熟蛋黃 撈飯💯呢碗飯唔使5分鐘2個人就食晒～📍甜品：北海道抹茶蛋糕完美嘅收尾 因為生日畫碟好靚🎂店員係拎咗一個寶箱 打開再點火～燒咗一張紙之後就見到生日蛋糕🥳當日仲送埋「即影即有」🫶🏻朋友勁開心好可惜抹茶味唔算好濃 紅豆略甜🫘不過整體食落又未到膩！有機會嘅話想試吓另一隻味hahaha…Read More

近期喺社交平台經常見到有好多人介紹呢間日本餐廳，呢晚就過咗嚟食個晚餐🤩 果然一入去就見到好多客人啊 。壽喜燒♦️牛肉盛盒一份牛肉盛盒裏面有齊三種高質素嘅牛肉，有厚身嘅檸檬之牛舌，肉味濃郁嘅安格斯牛板腱同埋入口嫩滑嘅澳洲M5和牛肩胛🐮 店員教落先加入牛油，再將牛肉輕燒，加埋少少糖同埋壽喜燒汁，好快就食得啦🥳♦️蔬菜盛盒都幾豐富㗎，食完牛肉再加入上湯淥蔬菜🥬 入面有娃娃菜、皇帝菜、甘旬、本菇、豆腐、京蔥、冬菇同埋金菇。♦️稻庭烏冬烏冬已經預先烹煮過，所以唔好滾咁耐啊。朴葉味噌燒我地揀咗宮崎米豚里脊肉，肥瘦分明，隔住朴葉燒熟呢個米豚里脊肉，更加有風味🌱 店員溫馨提示我哋開火之後要輕輕落少少上湯一齊燒，咁就唔怕啲肉太乾啦🐷 燒熟咗嘅豚肉會幾金黃，有少少朴葉嘅香氣，口感唔錯。前菜我哋揀咗以下兩款嘅前菜，特別鍾意佢嘅螢光魷魚，味道幾鹹香。♦️醬漬螢光魷魚♦️辣味帶子裙邊小食♦️南蠻炸雞呢個小食份量都幾多，炸雞嘅炸粉唔會好厚，雞肉入面有勁多肉汁🐥 加上他他醬，真係幾惹味🍗♦️招牌玉子燒有兩個口味可以選擇，我揀咗明太子，喺味道甜甜地嘅玉子燒上面加上明太子醬同埋蟹籽真係冇得輸🍳 梳打飲品♦️香甜荔枝梳打荔枝嘅味道唔會太甜，個人非常喜歡呢個梳打。♦️沖繩海鹽菠蘿梳打入面有啲菠蘿粒粒🍍海鹽嘅鹹味仲帶到菠蘿嘅香甜。朱古力鏡面蛋糕呢次係同友人慶祝生日，真係好有儀式感呀🌸 店員仲會點火將畫碟公仔呈現喺我哋面前，之後仲會同免費嘅即影即有留念。特別多謝餐廳畫咗咁可愛嘅Chiikawa俾我哋，友人同我都超級鍾意兔兔㗎🐰 店員話可以預先預訂呢個畫碟，咁就可以揀自己心水嘅圖案啦😍 朱古力鏡面蛋糕入口幾Creamy🍰呢晚見到幾多人選擇喺呢度慶祝生日，所以氣氛都好歡樂 。下次想搵啲有儀式感嘅餐廳慶生，但係又唔想成班店員圍住你跳舞再播勁大聲生日歌令到壽星超尷尬嘅話，呢個靜靜地嘅點火揭曉畫碟甜品嘅做法就幾適合啦🎂…Read More