屏山跑車餐廳

營業中

休息中

今日同朋友叫咗個二人套餐份量超級大，我覺得好夠食呀！佢有牛油餐包、牛肋骨、甜品、蘑菇蟹肉，黑松露野菌意粉，睇落好似好少但係食落都好大份架！呢度環境唔算大，主題係賽車主題，幾特下，我就覺得呢度啲嘢食啲碗真係好大，但係啲枱就好細！冷氣方面十分之凍！其實我覺得唔需要咁凍，因為佢凍到啲水珠係啲窗外都見到啦！佢廚房係開放式！你會見到廚師喺度煮嘢食！侍應服務都好好！十分之有禮貌！至於嘢食方面，我覺得唔算太貴，份量有好大，食到飽一飽返屋企！我最鍾意食嘅係牛油餐包同埋意粉！因為啲意粉超濃芝士味呀我最鍾意食架啦！牛肋骨個樣就好好睇食落就爭緊啲，比較"un"！