泰Grill (享和街)

成日幫襯荃灣西餐廳，又鍾意食泰菜，竟然未食過呢間泰Grill, 今次約咗朋友嚟試。小店座位大概20多個，裝修簡約清新。晚上6點多d到達，已有一枱外國客，之後陸續都係一班人一班人嘅Booking。早食飯嘅好處就係唔使等位！見到隔籬枱嘅食物份量幾多，於是同朋友保守叫咗一個小食拼盤、一個主食，加2杯嘢飲，就已經飽飽！✔️Omelet Pad Thai with Tiger Prawns $128蛋包虎蝦炒金邊粉金邊粉酸酸甜甜有鑊氣，幾開胃，幾適合呢個天氣食。整體賣相有誠意，用金黃色網紋蛋皮包裹金邊粉，上面仲有大大隻一開二嘅炸虎蝦！✔️Thai Style Platter $128泰式小食拼盤有雞翼、炸春卷、炸蝦餅各四件。雞翼外皮煙靭內裏雞肉嫩口，炸春卷同蝦餅即叫即炸，油香四溢，又脆又香口。✔️Cold Thai Milk Tea $22凍泰式奶茶又甜又多冰，係正宗泰式奶茶嘅風味！✔️Iced Longon $38龍眼冰清甜解膩，加上龍眼果肉，散發自然清香！